Kayin ram, Myawaddy peng chung kahdohnak ruang ah Thailand ram lei ah a zaammi Kayin ralzam 400 hrawng cu

Kayin Ralzaam pawl Thailand Ram Caw-inn ah an i Dor Hna.Kayin ram, Myawaddy peng chung kahdohnak ruang ah Thailand ram lei ah a zaammi Kayin ralzam 400 hrawng cu Caw-inn ah Thai ramri congtu ralkap pawl nih an dorter hna.

Myawaddy peng, Phalu khuate ah Kayin hriamtlai DKBA le SAC ralhrang karlak kahdohnak a chuak i Phalu khuami pawl Thailand ram lei ah an zaam hna.The Chin JournalJune 1, Yangon (Photo-BAP)

Malaysia Covid lockdown: Theih ding le ralring ding.Malaysia um Chin miphun hawikom dawt hna a hlankan in lockdown kan phan than kho tiah ralrin kan rak in pek lengmang hna bantuk in Malaysia cu Lockdown pical taktak kan phan than taktak.

Cucaah a hlan i MCO sawhdawh bantuk kha asi ti lo. Hmunkip le kaakip ah Polik le ralkap nih chun he zaan he lam an block. Cucaah zawtfah le poipang (emergency) ton i lengchuah awk tha lo asi lo ahcun innchung te um ziar ding asi. Chimh ngaih lo (SOP zulh lo) ruangah tlaih na ton sual ahcun RM 100000 (tingkhat) cawi le liam asi ti zong theih i zuam hna usih.

Nangmah na umnak in 10 km chung lawng ah eidin tirawl i cawk khawh asi. Inn chungkhurkhar pakhat ah minung 2 lawng nih eidin tirawl cawk ah lengchuah khawh asi.

Zaan ah siseh, chun ah siseh, hlasak le aukhuan nan i ralring lai. Lockdown chung ah operasi kan lut lai tiah cozah (Immigration) lei nih tlerhkhawnhnak an tuah lengmang. Cucaah an mah Malay mi mithmuh le theihnak ah hnahnawhnak petu na si lo ding kha a biapi tuk.

Kuttawl, thianhlimh le hmaihuh daithlan bak lo ding asi lai. Zawtnak ka nei men lai tiah nangmah le nangmah naa lunghrinh ahcun na pawngkam minung he naih tein um lo i zuam law asikhawh ahcun checkhlatnak i tuah colh.

Lockdown chung ah zawtfah le poing ton sual ahcun CRC ah hmaikhah lonak um lo tein bawmh hal khawh peng kan si.Lungthawng tein le damnak he um khawh i zuam cio hna uhsih.Siaherhnak he, CRC

Be the first to comment

Leave a Reply

Your email address will not be published.


*