Kawlrampi hi aa cheu dih kho,SAC ralkap hi hriamnam ttha le lungrual te in kan doh zau lo cun tei an har chin lengmang lai.

Hei ruah vima tikah.Kawlrampi hi aa cheu dih kho,SAC ralkap hi hriamnam ttha le lungrual te in kan doh zau lo cun tei an har chin lengmang lai. A bik in Federal army kan neih lo cun rampi ningin SAC kut in kan luat meimei lai lo tikha a tam u ruah cio si. Federal army a rak um cia mi le,tutiang rih ah CRPH/NUG nih an hnawl,duh ruam rih lo.

Anmah PDF tel thengmang in Federal army phun ser an duh,mah cu hrilhfiah len hau lo,hun tuak cio ulaw a ruang nan theih ding kha si ko.

Cucaah tutan kawlram buainak kongah, Tlangcung hriamtlai le mipi kilvengtu ralkap hna nih anmah le state cio ah tukdohnak an tuah cio .Chinramah CDF biatak tein a cawl cuahmah ve.

Tutan kan rambuai SAC ralkap tukdohnak ah hin,buu,party hruaimi hna kut tangin kan doh i kan tu lo ti hi abik in Tlangcung miphun nih ruahmi si lio ah rumro in anmah vawk kawm chungah luh ter ding muithlam a leng pah cuahmah.

Mah nih a chuahpi te ding mi ,a donghnak ahcun anmah le state cio luatnak ding tiang biachahnak neih ding hi purhdah har siti lo,kanmah le state luatnak ,uk khawhnak lam lawlaw hi zul ko usih tikha i thim fawite ding dirhmun kan naih ngai.

Naite kawl media ngan pakhat nih HK CDF lutlai interview an tuahmi ahkhan” Rakhine ram AA hriamtlai btk si khawh ding tiang vision an neihnak alanghter cang.(a herh ahcun)

A rak um le ser cia Federal army kha fawizang tein NUG nih cohlang ko sehlaw,rianhma akal rang ngai deuh lai.Federal army rak ser cia chungah aa rak i tel lo hriamtlai kong zong ruah chih len caan si lo,rawl thar chumhnak cun rawltthing lum afawi deuh bang.

NUG nih federal army kan ser lo cun SAC kan tei kho lai lo ti an theih,ser kan itim an ti,an ser zongah kum 2 paoh cu caan a la kho rih. Kum hnih chungah SAC nih ngian phunzakip an chuah lai caah tei an ahar chin te kho. A caan sau cun mipi zong kan thazang a dor lai,eidin awk nei lo kan tam chin lai caah tutan kan ral dohnak ah khulnuarh caan le si hoi lo. EAOs nih NUG hi an zumthlu kho rih hna lo.

Note: Biasiphai le thadernak caah si hrim lo,ttihnak zong silo in mah hi a chuahnak lam a bi lo tikha ka langhter duh tu si.Credit-William HC

Be the first to comment

Leave a Reply

Your email address will not be published.


*