Kawlram Thawng Pang :Myanmar ralkap nih March 1 zinglei ah Daw Aung San Suh Kyi, President U Win Myint le ramkulh le ramthen Chief Minister pawl an tlaih hna,

Kawlram Thawng Pang :Myanmar ralkap nih March 1 zinglei ah Daw Aung San Suh Kyi, President U Win Myint le ramkulh le ramthen Chief Minister pawl an tlaih hna, tiah RFA, DVB, VOA le BBC telh in Myanmar ramchung thawngpang pical pawl nih a ttial.

NLD chimnak nawlngei Dr. Myo Ngyun nih, “Kan party minung pawl ralkap nih an kalpi cang hna. Daw Aung San Suh Kyi le President an kalpi hna. Kei zong tlaih awk ah kan inn ah an ra lai ti kan theih,” tiah RFA ah a chim.

February 1, Hluttaw thar tthut ding in timhtuahnak a um lio ah atu bantuk in ralkap nih ramhruaitu pawl an tlaih hna hi a si.

Atu tiang ah Yangon, Mon le Kayin ramkulh i vuancichoh pawl tlaih dih an si cang, tiah RFA nih a ttial.Myanmar ramchung sianghleirun hruaitu upa zong a inn ah an vung tlaih.8888 Generation hruaitu Ko Min Ko Naing zong an tlaih cang, tiah Myanmar Now nih a fehter.

NLD chimnak nawlngei Dr. Myo Ngyunt nih, “Rammi nih dai tein hi thil hi pah i zuam hna u sih. Atu ah cun zei kan ton lai a fiang rih lo,” tiah a chim.Cherhchan: BBC, RFA, DVB
Belhaar viber Group.Credit-J.TZT

Be the first to comment

Leave a Reply

Your email address will not be published.


*