Kawlram pi hi Ralkap le Min Aung Hlaing lopil asi lo, an nu ro le paro zong asi lo

Tulio kan ram buainak hi Asia ram tamdeuh hna nih cun ramkheel (political ) lei lam in aphi kawl hi an duh.

Aruang ka tuak tik ah Hawi acan ve lo mi, hruaitu tha/thiam asi lomi, uknak tha le athangcho mi ram aser siam kho lo mi Ni Win chan in Than Shwe uknak chung ah Asia ram tampi nih kawlram chung thilchuak vialte an dolh dih cang.

Kawl ram thil chuak in anmah ram ca ah thanchonak an ser. Kawlram cu asi fah zong ah apoi lo, an uktu Ni Win le Than Shwe kha Asia ram hna nih zik tamtuk an rak nawh hna. Ni Win le Than Shwe nih anmah pumpak rumnak ah an hman i Asia ram hruaitu hna nihcun an ram sersiamnak caah an hman. Hihi Ni Win, Than Shwe le Min Aung Hlaing nih an hngal thiam lo.

Hi bantuk in ram aser siam mi Asia ram hna nihcun ralkap uknak hrawh hi an duh hrim lai lo. An tih tuk cu ta.

Asia ram hna duh ning ramkheel mit in atu lio kan ram buainak hi kan tawl rel ahcun Min Aung Hlaing aa lawm tuk lai, asinain ram chung daihnak le Federal uknak sercu NCA tluk in lamcaan arau lai. Cu tik ah Min Aung Hlaing nih election atuah manh lai i kan ram ramkheel a hnok chin lai caah atu lio buainak hi Asia ram duhnak in kan tawl rel ding asi lo.

CRPH le NUG cozah zong hi Asia ram tamdeuh nih an cohlang lo ti khawh asi, cucu naite Indonisia ram ASEAN meeting nih alanghter.Cu caah teinak kan hmuh khawh ahcun Asia ram cheu khat zong nih an tuar ve ahau ko lai.

Kawl federal uknak sernak ding ah kan hrawh hrimhrim ding mi thil 2 hna cu:

1. Niwin chan in Min Aung Hlaing chan tiang ralkap pawl hi hrawh dih ding.2. 2008 Phunghram hi athah in thah taktak
Hichung ah 2008 phunghram cu hrawh asi nain athi kho rih lo, ralkap ca lawng ah anung, athih tiang kan nolh aherh.

Kei cu ramkheel mit in kan ram buaipi ding cu kan i thlah phoi lai ka phang, ka thluk zong nih aphan ti lo caah lehrulh lawng hi lamtha bik asi tiah ka ruah.Credit-Lai Ram Laipa

Be the first to comment

Leave a Reply

Your email address will not be published.


*