Kawlram palik 400 leng India ah an zam cang.

Kawlram palik 400 leng India ah an zam cang.Tutan Kawlram ralkap uknak lak ruang ah palik pawl cu ralkap nih an duh ning poh in an hman hna. Nawl an pek hna. Dai te Sandahpiah ko mi mipi zong cunglei ralkap nih kah le thah an fial hna caah cu ti ralkap nawlpekmi zulh I  mipi thah le hrem kha cheukhat palik nih an duh lo caah India ram ah an zam.

India cozah lei chim ning ah “February thla dih lei khan palik tampi kan ram ah an zam. Ralkap uknak duh lo ah an rak zam i 400 leng an si  cang. Tam deuh cu palik an si. Meithat zong an um,” tiah an ti. A zammi tam deuh cu Mizo ram lei in an lut ti si.

A zammi lei nih an chin ve mi  cu “ralkap nawlpekmi zulh I mipi hrem le thah kan duh lo caah kan zammi si ,” an ti.Ref.bbc Credit-Tluang Ceu Thang

Adang relthan:Kawl ngian tiah kan rak huat tukmi pawl hi kan tluk hna lonak a rak tam ngai. Lungsau ah kan tluk hna lo.Hruaitu nih daite (buaibai lo) in duhlonak langhter uh an ti hna caah hrem le thah an ton cuahmah buin a hremtu le a thattu hna an let hna lo, anmah nunnak tu hna a liam. Cu bu cun nichiar duhlonak langhternak ah an ithawh peng ko. An lung sau bak.

Lungrual ah kan tluk hna lo. An hruaitu hna nih an chimmi paoh vuivai loin an zulh peng. Let hna hlah uh, daite in duhlonak langhter uh, an ti hna le lungrualte in hruaitu chimh an ngai dih. Ni 40 leng bak lungrualte in an hruaitu pawl chimmi an ngai. A fawite lo. Mipi nih ralkap palik pinah misual pawl hrem le thah Caan an ngei nain an tlaih hna hmanh ah an thlah tthan hna. An hruaitu bia ah an lung ai rual dih.

Raltthat ah kan tluk hna lo.Cun hrem le thah an ton cuahmah buin lung saute in nichiar duhlonak langhternak ah an ithawh peng, an ralttha bak ka ti. Meithal ai ken i anmah a kap cuahmahmi ralhrang bak shield lawng le chai hrawnghrang in an dir-onh ngam peng ko. Sang veng zong ah ralkap le palik khamnak ah zei hriam tthittha an ngei lo nain sianginn le sii-inn ah hmunkhur ai timmi palik le ralkap pawl an tthawl khawh peng hna. Cucu an ralthat tuk ruang ah a si ko.Kan huatmi hna sin zong ah cawn tlak a um ahcun kan icawn ding a si ko.Credit-Van C Mang

Be the first to comment

Leave a Reply

Your email address will not be published.


*