Kawlram kan sining le Chin kan sining he aa thlak cemmi le asi kho cem mi cu FEDERAL UNION asi ko.

CONFEDERATION CU A UM LOMI RAM THLITU LAK INN SAK BANTUK ASI.
CHINMI NIH CONFEDERATION MANG MANH DUH HLAH USIH.Nai cikua Chinmi lak ah FEDERAL lawng a zaa lo i CONFEDERATION kan duh timi a hung laar țhan. Confederation sullam hi zeitindek nan ruah cu ka thei lo. Zapi nih kan i fiang nak hnga Confederation kong a tlangpi kha tawi te in ka langh lai.

1. Confederation cu Zalonnak (Independent) a hmu cangmi le Mahte Uknak le Nawlngeihnak a ngei cangmi ram (အချုပ်အချာအာဏာပိုင်နိုင်ငံ) pawl nih Ramdang ral humhimnak le Chawlehnak caah aa funtom mi (Confederate) a si. Tahchunhnak ah Zalonnak a hmu cang mi MYANMAR, THAILAND le LOAS ti bantuk ram pawl khi Ramdang ral humhimnak  le Chawlehnak caah i funtom in CONFEDERATION ram ser ding phung khi asi. Kawlram cu Confederate ser khawh nak lam a um lo.

2. Unites States of America nih Phunghrampi an rak ser hlan (1788) ahcun Confederate in an rak kal ve. A sinain Confederate cu a chambau tuk caah a tha deuh mi FEDERAL UNION in ukhruainak an tuah țhan i atu tiang Federal in an kal. Thlanglei America ram 13 nih CONFEDERATE STATES OF AMERICA ser an rak timh țhan nain ral an sungh caah an rak ser kho lo.

3. Vawlei cungah Confederate ram a um lo. A luancia mi kum 300 ah khan Switzerland nih Confederation ram kan ser an rak ti nain an serning taktak cu Federal Union asi ko.
E. U (European Union) ram 10 i Fonh in CONFEDERATION an ser. EU hi Confederation asi. Cu dah ti lo, vawlei cungah Confederation Ram timi an um lo. Ram pakhat lawng cu Confederate asi kho lo.

4. Chinmi nih CONFEDERATION kan duh ahcun ZALONNAK (Independent) kan lak hmasa a hau lai. Zalonnak ram kan si hnu lawngah Kawl he maw Kachin tibantuk he CONFEDERATEION ser ding khi asi hnga.

5. WA khi Confederate an si nan ti men lai. An si lo. A ho he dah i fonh in Confederation an tuah. Hraimnaam an țhawn caah Kawlram nih a hei zoh sawsawh mi lawng khi asi. Confederate asi kho lo. AA nih karhlei lamh in Confederate kan duh an ti mi khi a si kho lo mi thlitu lak inn sak a si.

6. Kawlram kan sining le Chin kan sining he aa thlak cemmi le asi kho cem mi cu FEDERAL UNION asi ko. Federal ah kan lung hmun ko seh. Asi kjo lo mi Confederate kong ruat ti hlah usih.

Note. .CONFEDERATION kong a tlang pi in ka fian ning kan hrawmh mi hna asi. A herh le kau deuh in ka theih tawk ka chim than te lai.Credit-Israel R.Thang

Be the first to comment

Leave a Reply

Your email address will not be published.


*