Kawlram a um mi, CDM caah tangka tlaitu kha harnak a pek hna.Zeitindah harnak kan pek hna?

ZAANGFAHNAK TEIN CDM CAAH HLUTMI A ZAT CU FACEBOOK AH LANGHTER TI HNA HLAH U SI!

Organization in siseh, biakinn lei in siseh Kan in nawl hna! Mah kan langhtermi thawng in hin, ahodah harnak a tong Kawlram a um mi, CDM caah tangka tlaitu kha harnak a pek hna.Zeitindah harnak kan pek hna?

1.Kawl Ralkap nih Facebook in siseh, Instagram in siseh, kan taarmi an hmuh ve tikah, $100,000 a si ahcun, mah kan kuatmi $100,000 kha an kawl cang ii, tangka ruah ahcun, mipi tu kha ralkap nih hna an hnawh tthan hna. Cun tangka tlaitu caah ttih nung ngai a si fawn rih.

  1. Kawlram ah “cash” a har tuk lio a si kan theih cio dih, $100,000 kan kuat lai kan ti zongah, voikhat ah aa kua kho dih lo, tlawm te te in kuat a hau, mah ruangah mipi lei zong nih tangka tlaitu hna an zum kho ti hna lo. “Ziah, US lei nih $100,000 an kan kuat mi cu, nanmah rumnak caah nan hman ko lai. kan in zum hna lo,” an ti tawn hna. CDM tangka tlaitu le mipi kar ah zumh lo nak a chuah ter.
  2. US lei nih phaisa tam ngai kuat a si fawn tikah, Kawlram lei CDM tangka tlaitu hna nih audit tuah ter kan duh cio ko hna lai. Asinain, Kawl ralkap nih internet zong an tlaih dih, internet ummi paoh cu an hmuh khawh dih tikah, Kawlram a ummi tangka tlaitu caah audit tuah cu a har, catlap cung an ttialmi hmanh khangh dih colh a hau an ti. Kawl ralkap nih CDM caah tangka tlaitu an kawl cuamah lio a si. Meeting zong an i tong kho lo. Mah le umnak cio, a si khawh tawk in rian ttuan a si, mipi sin zongah ahonih dah a tlaih ti theihter zong a ngah lo.

“Organization pakhat kan si ve ko ttung i, kan bu siseh kan organization member si hna seh, phaisa hlut ding kan forh fawn hna tikah, mipi sinah thawng thanh a hau ko, mipi nih zeizat dah an bawmh hna an theih ve a hau. Facebook si lo ahcun, zeitindah mipi sinah thawng kan thanh kun lai?” ti ruahnak zong a um ko lai.

  1. Record cu kan ngeih hrim hrim ding a si ko. Har le fai in kuatmi phaisa an hlut cio tikah, mipi zong nih theihnak nawl an ngei hrim hrim ko. Asinain, Kawlram a ummi kan u le kan nau nih, mah bantukin facebook ah thawng kan thanhmi nih hin harnak a kan pek an ti ko ahcun, thawng a daih deuh tik hnu ah thanh khawh a si ko lo maw?
  2. Bupi email group kan ngeih ko ahcun, email in i thanh khawh a si ko lo maw? 3. Email in a si khawh lo ahcun, bupi silole organization viber group zong kan ngei cio lai ti ka zumh.
  3. Chin mi ah keimah nak in a thei deuh mi le a fimmi deuhmi an tampi ko i, solution a tampi a um ko ti ka zumh

Ka ttialmi hi, Kawlram a ummi nih an siaherhnak ka sin ah an langhter mi a si. Kan pa le zong nih an chim ka theih bal ko, cun mitampi zong nih an chim cang ko. Thawng a daih deuh le a tthat deuh hlan cu, i sum cio hna u si. Facebook kan taarmi zong hi i ralring deuh u si. Keimah pumpak zong in ka palhnak a rak tampi ve, asinain hmailei ahcun ka ralring deuh ve cang lai. Chim ka palhmi a um sual ahcun, rak ka ngai thiam ko u!Credit-Thinhnem Par Lian

Be the first to comment

Leave a Reply

Your email address will not be published.


*