Kawl ralkap nih kahnak kan ngol lai an timi hi thawngtha ah ruah ding si lo

Ralkap an mihlennak hi i zumh len ding si lo.  Ralkap lei nih May thla chung cu kahnak kan ngol lai tiah thawng an zamh.Cucu Laimi tel in cheukhat nih thawngtha tuk ah kan ruah sual. A zei thawngtha nemnam An mihlennak kuat a si.

Kahnak kan ngol lai hi tutan lawng si lo. Hlanpi in an rak chim pengmi a si.  Nain an dai bal taktak  lo.  Tlangcung ralkap  phu khat khat kha fak pi in tuk a duh tikah  kahnak kan ngol lai a ti zungzal.

Ee sitak a tha tuk tiah hnangam tein mi um lio ah tlangcung ralkap phu khat khat kha ceilak in a tuk tawn hna.

Tutan kahnak kan ngol lai timi zong hi lih a si. Zumh ding a si lo. Hi kong ah Kan kut daih ter ding si lo. Thawnter deuh leh lam ding si. An tha a dih cuahmah. Anmah le anmah an i kap. An lung dong cang. Biatak in nam chih ding an si.

Kahnak kan ngol lai a ti nain KIA cu vanlong 8 bak in a kah ko.  KNU zong a kah thiamthiam. Ralkap an i phazo ti lo i KIA hi biatak in a ralkap vialte hmang in kah a duh i si kho. Zeicahtiah KIA nih a thami le an sakhan a lakmi a tamtuk. Nifatin ti awk kawl ralkap sakhan an lak.

Cucaah zeibantuk tuni ralkap an thawngzamh kha i zumh sual lo ding si. Kawl ngian an mi lemnak bak a si.Credit-Tluang Ceu Thang

Rev. Dr. Hai Vung Lian nih a kan liamtak cu Chin miphun suttung pakhat a pur bantuk in ka ruah. Dr. Hai Vung Lian ka theih hi, 2003 thawk in a si. US nih Iraq a rak tuk lio ah nifatin laiforum le Rungcin ah News updates a tuah tawn i, a catialmi hi rel a rak nuam kho tuk.

Dr Hai Vung Lian hi Pastor lawng siloin,  Scholar  le Columnist pakhat a si  chih i, Keimah hi a catialmi rel lei ah a “top fan” pakhat ka si ve.  

Nizan ah a thawngpang ka theih in ka lung i a chuakmi pakhat cu, Chin mino hna kan library  mei nih a kangh tluk a si tiah ka ruah. A chan a tawi hi Chin mino caah sunghnak taktak a si.

Vawlei cu duhtlinlohnak ram a si bantuk in, tantakmi chungkhar le cingla rualchan vialte Pathian nih in hnem ko hna sehlaw,  thlacamnak in nan ngaichiatnak ka rak in hrawmpi ve hna. By-Zasang Cinzah
OTTAWA, ON

Be the first to comment

Leave a Reply

Your email address will not be published.


*