Kawl ralkap nih hriamtlai cheukhat a lemsoi hna

Wa cozah le SSPP hriamtlai a va ton hna i a lemsoi hna tiah Irrawaddy nih a tial. Hihi tihnung ziarmi a si. Anmah le anmah nawnnok i kahter hi cu hlan zong a rak hman tawnmi tactics a si. Hihi hriamtlai thazaang derternak ah a hman bikmi a si.

SSPP hi chaklei Shanram hmunkhuar Shan hriamtlai an si. Thlanglei Shanram ah hmun a khuarmi anmah Shan thiamthiam RCSS he khin hmunhma kong ah anmah le anmah ai ertau pengmi an si cia. An phu hnih in ralkap 8000 hrawng veve a ngeimi an si (Myanmar Peace Monitor).

Wa tiah theihmi UWSA khi Independence ram tluk deng in anmahte in nawingeihnak an ngei cang. Kawlram buai le buai lo kong ah ai thlak huam ding phun an si ti lo. Nain Kawl ralkap nih a lemsoi khawh sual hna ahcun a poi kho. Kawl ralkap he pehtlaihnak thate an ngei; ralkap training te hna a tuahti tawnmi an si.

KNU Headquarter hlun Maneperlaw hna a tlaknak; Buddhist le Khrifa ti phun in an i then thainak, Shan hriamtlai hna chak le thlang in an kuainak, hriamtlai dang tampi zong an i cheuhmalnak pawl khi Kawl ralkap nih lemsoi le nawnnok khawhmi an rak um ruang deuh ah a rak si.

Northern Alliance zong kha ton a timh hna nain tlamtlin dawh a si lo. A ton ciami zong hi lemsoi khawh lo ding belte ah ruat phawt hna sih.Credit: June Nilian SangAn sawm mi hna poh nih an hlawh hna. Si hram than seh law.

CNA cu bawmh ding an si ti lo. Mi sawhsawh nih ttialmi hi cu ruahpiak thiam a si, nain lungfim le khuaruat kho deuh nih CNA cu bawmh ding an si ti lo. KIA le KNU tu khi bawmh ding an si. tiphun in caa kan ttial hi cu a poi deuh ngai.

KIA le KNU tu bawmh ding an si kan timi khi bawmh kan timh taktak hna ruang ah si loin serlei in le bianeng in kan chimmi a si i, hi bantuk serlei le bianeng hi atu lio caan ahcun kan ram le miphun nih a herh lo bikmi an si. CNA kan bawmh duh hna lo a si ahcun dai tein um ko hna usih. Bawmh duh lo cu minung phung a si ko, nain kan bawmh duh hna lonak kong kha arpi bang khuapi theih in daak len i bawmh a duhmi hna thachiatnak le bawmtu minung an zornak ding in cattial len hi kan i ralrin awk a herh.

Atu lio caan, kan hmai ah donak nganpi a chuak khomi dirhmun ah hin hriamnam aa putmi kan ralkap hna hi dirpi, ttanpi le ngeihchiah in thazaang pek an herh lio a si. Mipi kan i lungrual taktak zong a herh lio a si. Pakhat le pakhat i doh le i soi caan a si lo i huatnak bia le rem lonak bia in i ti caan zong a si lo. Nih hi a ttha tuk nain ruak humh lio caan ah nih len phung a si lo. A caan hi zohthiam a herh.

KIA le KNU bawmh kan duh taktak ko hna a si le bawm fawn ko hna usih. Bawmhnak cu pumpak nawl a si. Asinain kan philh lo dingmi cu ram chung raldonak (civil war) chuak sehlaw KIA le KNU nih an ram chuahtak in kan ram an kan venpiak bal lai lo i kan ral an kan dohpiak bal fawn lai lo. Kan miphun le ram caah Kawl ralkap meithal kuan le bomb lakah nunnak pe in a va lut dingmi le ral salu aa tlaih dingmi cu kan CNA thotho hi an si ko lai.Credit-Roro Fambawl

Be the first to comment

Leave a Reply

Your email address will not be published.


*