Kawkareik ah ralkap le palek an i kap, pakhat a thi

April 25, zaanlei ah Karen ramkulh, Kawkareik khua ah palek le ralkap an i kap, pakhat a thi i pakhat hma a pu.

“Tu zaanlei suimilaam 4:00 hrawng ah khan Kawkareik khua No. 6 sang, Zinathukha pura kulh chung ah chek nak gate ser in a hngak mi ralkap le palek an i si i meithal in i kahnak a chuak,” tiah khuami pakhat nih DVB ah a chim.

An i kap veve i Kyungdo Palek Sakhan palek Maung Win Bo cu a ttang ah kuan nih a khen caah a thi. Ralkap pa cu a hma a faak ngai i a nunnak thinphang a si tiah ka theih.
Ref: DVBThe Hakha Post

Covid19 a chuah kate khan Zeitik hmanh ah ka lung a chuak bal lomi Lai Hmaihrem te(Afate) a khami khi tea(lakphak) in ding hna ti hi ka lungah chimh bang a hung pop.

Covid19 vaccine ka chunh hlan poh cu zing ah hraitan Zanlei hraitan ti te khin tea cu ka din. Cun raifenh si Chloroquine 200mg khi cheuli cheu khat khi hmaihrem Ka ngeih lo tikah zerh khat ah vui thum ka din. A derthawmmi ca cun cheuruk cheukhat or cheuriat cheukhat tluk si hnga. Ka pumsa a thawn ko rih caah cheuli cheukhat cu ka din. Eidin tu cu vitamin C a kengmi tirawl chun ah usa ka pek.Mah hihi ikhamnak a tha ko rua tiah ka ruah. Hmaihrem fate khi a kha ngai i raifenh si ah a ummi chloroquine phun khi a keng hmanh maw. Kan rianah covid19 positive staff zong an um nain Bawipa thawng in tu tiang te cu ka him.

Keimah ahcun rian a tuan ko rua tiah ka ruah. Atu hmaihrem fate tea in din cu ka lung ah a chuah bantuk tein ka khup arak fak tuk i tan i mah zun-ek lak ah ka ciah te lai ti tiang in ka ruah. Zan khat cu ka thutnak in ka tho i ka tlu hnik ko. A thom si a fah si a phin si. Bawipa mah zun ek lak i ciah ding cu asi kho bal la lo. Ka tlu ko la hi ka ti.

Mah lio te cun Ban hla va ei tuah ti hi ka lung ah a chuak pop. Rian ah ka um lio si kaw banhla zong cu ka ngeilo. Coka ah ka va kal i banhla cu pahnih ka lak i ka ei. Cop le cilh hin a dam. Cu hnu cu zerkhat ah vui thum ka ei. Khupfah ka ngei tilo. Ka chung le pahnih zong Nih ban hla Na cawk lengmang an ti. Khupfah a damh cu ka tile cu hnu cu an nih zong an ei pah rua an cawk tawn. Khupfah an iceih tilo

Zeipoh hi a Hlei luak in hman tu cu a tha lo. Keimah caah cun Bawipa nih damnak le himnak ah thluachuah a pek ti hi ka zumh.

Hmai hrem cu thisen sang xong hi a niam ter ko an ti le Cutu cu ka test lo. Ka din ah hin ka zaang ngai. Detoxify pum hi tuah selaw ka thei lo

Thazaang le pum thawnnak tla chia lak tu cun hman lo a biapi tiah keimah le keimah ka cawn piak. . pumsa ral dotu thawnnak ding ah ih hmucim, vitamin C kengmi tirawl, protein kengmi tiin pumsa ral dotu thawnnak(immune system boost up ) tuah kho tu ti rawl usa pek chih a herh bik. Raifenh si hmang uh ka tinak tu cu asi lo. Ka experience ka chim bia mu.Note: Hmang ve uh ti cu ka ti lo mu. Mah le ruahnak cio mu
By-Sui Chin

Be the first to comment

Leave a Reply

Your email address will not be published.


*