Karenni Le Chin Mipi Ralkap Nih A Rannak In Ram Pumpi Huap Ralthawh Ni Thanh Dingah NUG An Hal

A rannak in ram pumpi huap ralthawh ni thanh dingah Karenni People Denfense Force (KPDF) le Chinland Defense Force (CDF) nih NUG an hal tiah theih a si. Kan hnulei ah khan NUG nih a rauh hlanah ram pumpi in ralthawh ni kan thanh lai tiah an chim cang.

Atu dirhmun ah cun ralhrang khawngsil he kahdohnak cu a pikpak tein a si tikah ralhrang nih thazaang tampi an hman khawh. Karen le Chin ramkulh zongah ralhrang nih thazaang tampi an chap chin lengmang.

“NUG nih a thanhmi kha kan lung a tho taktak. A rannak in a tuah dingah kan i ruahchan. Cuticun kan thilrit nganpi hi a zaang deuh lai i ralhrang khawngsil hna hi fawitein kan tei khawh hna lai” tiah KPDF chungtel pakhat nih a chim.
Chin ramkulh ah thlakhat chung ralhrang he kahdohnak a um cang i atu cu boruak a chia chin lengmang. Ralhrang nih thazaang an chap pinah lam an phih len cang.

“A ran deuh poah ah kan caah a tha deuh si ko. Ram pumpi huap in a rannak in ralthawh kan duh tuk cang” tiah CDF-Mindat chungtel pakhat nih a chim ve.Than Lwin Khet The Chin Post

Be the first to comment

Leave a Reply

Your email address will not be published.


*