Kanmah koko hi an cunglei nih ti kan hmang. An chim mi theithiam piak kan hmang.

Catial Le Biachim I Ralring Bak Ding.
Media nan siah, pumpak kan siah ca kan ṭial tikah Kawl Ralkap ti lengmang tuah hlah ngat u! Ralhrang ti u. Zeiban tuk holh le ca in nan ṭial zongah Ralhrang ( Terrorists)  ti u. Anmah nawl hrimhrim pelte zong zulh bak lo ding. Theihthiam piak bak lo ding. A bikin Hakha l eThantlang nih theih usih.

Kanmah koko hi an cunglei nih ti kan hmang. An chim mi theithiam piak kan  hmang. Theithiam piak ve hna u sih ti ka khat zong chim hlah u. Ralhrang duhnak a ttheithiam mi cu ralhrang bawmtu nan si.

Mizapi Tampi nih dahkaw Ralhrang nih ca an chuahmi, nawl an chuahmi hna zulh kan timh lengmang i Kawl ralkap kan ti lengmang cu e.  Bia in nan chim ah siseh, ca inn nan ṭial ah siseh Kawl Ralhrang ti zungzal. Vawlei pi hmaiah Ralhrang kan ti zungzal hna lai.

A biapi tukmi hmur le ca ṭial in kan tuk a si ti hi philh hlah u sih. Kha ti vawleipi theih in anmin hrimhrim kha kan langhter pengah cun vawleipi nih a theih lai i cozah thar zong an kan pompi colh kho deuh lai. An tuahsernak an hmuh chih fawn. Anmin kha ralhrang ( Terrorists) kan ti chih lengmang hna hi a biapi taktak.Credit-Hanah Van Sui

Na rel rih lo ahcun relthan Social punishment :Atulio Kawlram buainak kong he pehtlaih in a laar ngai vemi biafang pakhat rih cu “social punishment” timi mirang holh hi a si ve. Dictionary chungah “dantatnak’’ tiah aa ṭial ko nain, atulio thil sining i an hmanning hoih in Laiholh in zeidah a si ka ti hna sehlaw, ”a suarmi/ a huaimi/ hnam ngei/ ei lo sa” tinak a si ka ti ko hnga. A lo ngai ka ti duh bia mu.

Hnam ngei:Hnam ngei rak timi hna hi Laimi nih an rak hrial tawn hna. Annih khi cu ceihphai mi an si tiah, a thli tein pakhat le pakhat an rak i chimh tawn. Phundang deuh in hmuh le ruah an rak si. An hmanmi sathau le samthih hmanh an rak i hrawm duh lo. Zapi lak ah an rak i tlumtla lo. Bia le hla in rak zomhtaih le rak nehsawh an si lo nain, a hrialtu in an rak hrial tawn hna. A thli tein an rak ceih tawn hna.

A suar :Hmun ciocio ah “a suar” an rak timi a um tawn. Tahchunhnak ah, khua laifang ah innhmun ṭha tak a um ko nain, mi nih a suar an ti i an rak duh tawn lo. Cucu a rak cang balmi hnulei thil sining zoh in thihnak a si an rak ti. Sifahnak, dam lonak a si an rak ti. Mah bantuk thih khawhnak, sifah khawhnak, dam lo khawhnak ah an rak ruahmi kha ‘’a suar’’ an rak tinak cu a si.

A huai:Zoh ah ṭih a nung ngaimi le tuk a sum ngaimi cerh nganpi maw, tili nganpi maw, thingkung nganpi maw, lungpang chengpalang maw kha ‘’a huai’’ an rak ti ve. Cuka hmun i na zun na zun ahcun, na cil na chak ahcun zawtnak a si, thihnak a si ti khi a si ko. Asullam cu, cuka hmunah thil ti khawhnak a ngeimi an um  i, an thil ti khawhnak hi ṭhatnak si loin, thihnak le zawtnak an si tinak khi a si ko.

Ei lo sa .Zuatmi saṭil lakah rang te hna, uico te hna, zu le va lakah langak te hna, thlanthla te hna, cepa te hna, ramsa lakah cenghngia te hna hi Laimi nih ‘’ei lo sa’’ kan rak ti hna. Ei lo sa kan timi hna hi ei usih law kan thi lai lo nain, ei lo sa ti hnuhnu cun chai zongin kan rak chai bal hna lo. Meithal zongin kan rak kap bal hna lo. Kah ding le chaih dingah kan rak ruat bal lo. Rang hna hi thil phorhnak ah san a tlai ngai ko nain, aho nih X’mas tuahnak ah an hmang bal lo. Nupi ṭhitnak zongah an thah bal fawn lo. Atulio social punishment tuahmi pawl hi cu bantuk cu an si ve.Credit-perhkalh Thawng

Be the first to comment

Leave a Reply

Your email address will not be published.


*