Kan thil copy an tuah mi kong hi kawl ram sining in tuak ah cun ka lung a dong i ka chim ti lai lo ka ti lengmang.

Kan thil copy an tuah mi kong hi kawl ram sining in tuak ah cun ka lung a dong i ka chim ti lai lo ka ti lengmang. Pathian nih aka zaangfah i aka dawt ruang ah aka pek mi ka pahrang in thil tampi ka chuah khawh ko ka ti. Pathian ka dawt bik nak le acung ah kai lawmh zungzalnak cu zungthiamnak, zungthil kilven duhnak le sunlawihnak thluak le thinlung aka pek caah asi. Mah hmanh in khan ka chanchung ah ka lawm tuk cang nain ABK aka chap chih rih. Ka hrai cu aliam in aliam. Amin ka thangthat!

Hithil kong ka chim lengmang mi hi ka thluak, ka caan le thazaang chuah in tuah mi ruang lawng ah ka chimrel asi lo. aka zum tu, aka bochan tu le aka bawmtu ka thiamtah hna zawn ka hun ruah hin ka celh lo khun. Cupin ah aman kan hauh ning te in akan pe i akan bawm tu an thilcawtu hna ca hrimhrim ah lung afak khun. (Asinain mit zohnak bak in aathei tuk ko i copy aahruk mi nih nan pawng ah an diar ngam lai lo. Chim zong ah aahlei lai lo an ka ti. Asi ko nain an mah nun thlen dinh caah ka chim mi asi lo. Ka thiamtah kutzungthiam hna caah adik mi thil (justice) ka hal mi asi.

Kan thil copy ahun chuah tik ah ka hlathlai tawn i azuar mi ah phun 2 in an um. Phun 1nk cu kan thil copy si mi an thei lo, thiamsin pawl nih an chuah hnu ah an ilak cio i an zuar chin ve. Phun 2nk cu kan page in thilthar hmanthlak kan tar mi a bawh in an bawh i a chuah le cang ka in mah hmanthlak kha thiamsin/kuttah a tak mi sin ah kuat in order tuah in an dih tik ah an online dawr le mi sin ah an zuar chin. Ka hawi Online thilzuartu, nang khoi ka ah dah nai tel?

Mah ka chim mi a bawmtu ah atang lei hmanthlak hi ka rak post. Online in laithil a zuar tu pakhat nih Nizaan tihni I Parborhsung thawi ka tar mi hmanthlak kha a story ah aatar i order alak hna mi hmanthlak asi. Thil a ngei rih lo, achuak rih lo, thiamsin nih an tak rih lo.

Ataktak ah cun kawlram i a um mi thiamsin pawl ah hin online ahmang kho mi le thil ahmu kho mi an tlawm. An hmuh i an vai itah hmanh ah thlakhat tel cu arau tawn. Khuapi le ramthumnak i a um mi thilzuartu hi ahmu hmasa tu an si tawn. Kan min kan ikhenhnak kan hmanthlak vial hman ko i nan thil asi mi kan theih tung lo ti cun rak ka ti sawh hlah u. Cun mah lawng a zuartu kan si tung lo, mi zong an tuah cio ko si ti zong kha fiang te in khuaruah khawh cun ahman mi thil asi hlei lo ti nan theih ko lai.

Kawlram ah cun a tu hi MAL ralhrang le thil tha lo vialte Gen Z hruainak in kan doh cuahmah lio asi i arauh hlan ah a lungpem rih lo mi mipi an lung pem lai tiah ruahchannak ka ngei. Ramthumnak aphan cang mi tu cu nan fa le sianginn akai mi sin in khan IP Rights cu zeidah asi ti kha rak hal te rak cawng te hna u tiah ruahnak cheuh kan duh hna.

Mahvial si rih seh zing tho in ka ba. Nihnih peh in asi cang i ka tha kai hrim than tik ah athar in ka zai than te lai.

Aka ttanpi i copy thil an zuar mi hmuh ke cgka in aka thanh tu screenshot aka kua tu hawile cung ah kai lawm. Keimah pumpak ttanh sinlo in thildik nan ttanh mi asi caah nan hawi ka si mi kai lunghmui. -Aidii Anna Biak Tha Mawi boycottcopycats supportipright

Be the first to comment

Leave a Reply

Your email address will not be published.


*