Kan theih ding.CDM a tuahmi hi an rum tuk ruang le pawcawmnak an ruah lo caah a si lo.

Kan theih ding.CDM a tuahmi hi an rum tuk ruang le pawcawmnak an ruah lo caah a si lo. A sifak i ei ding ngei lo an tam tuk. Duhlonak a langhtermi hi an hruh tuk caah a si lo. Dr. le catang sang an tam tuk.

Hriam in Kawl ralhrang a dohmi pawl hi thih an ngamh tuk caah a si lo. Kan thih sual ahcun kan nupile le kan fale hi honih an cawm hna lai tiah a lungretheimi an tam tuk.Kawl ralhrang nih Uk i zalonnak a um ti lai lo an ttih tuk ruang tu ah a si.

Hawi nih Kawl ralhrang an doh lio ah na doh ve lo tikah ka fim tuk tiin maw iruat lai cih. Mi kut in rul a tlaimi na si caah hawi nih zalonnak theipar an zun tikah hawi bang zun ve tu itim te hlah.Credit-Van C Mang

Archilles Kedil le Sahrang rual chambaunak
Sahrang uknak hi tei khawh lo ding phun in muisam a cuang ṭheo tawn. Sahrang nawlngeitu mi tlawmte nih mihlat phu, palek, ralkap, thong inn, mi hrennak hmun le mi that bu hna kha an duhning in rian an fial khawh hna. Ram pumpi chawva, kokek man ngei thil hna, le thil serchuahnak hna kha sahrang hna nih hram hram in an kut chung ah an i hum i anmah duhning in an hman.

Cu he zohchun tikah, democracy ṭanh in sahrang uknak a dotu hna hi thazaang a derthawm tukmi, hmual ngei lo le ṭhawnnak ngei lo bantuk in an muisam a cuang ṭheo tawn. Cu bantuk i tei khawh lo ding phun in ruahmi hna kha ṭhawnnak ngei lo tiah ruahmi hna nih hmual ngei tein hun doh ding cu thil si kho lo ding phun in a um. Asinain, cu bantuk ruahning cun a si dih lem lo.

Sahrang hna nih hin chambaunak an ngei ve ko.Greek tuanphung pakhat ah Ralbawi Achilles hi zeibantuk fei le nam zong nih a cuar an pemh kho lo tiah ruahmi a si. Bawhte a si lio ah hringtu a nu nih Styx timi saduhthah tlinnak lasi tiva ah a rak hnim i zeibantuk ral hmanh in kilven cia a si. Asinain, thil poi pakhat cu, hringtu a nu nih lasi tiva chung i a rak hnim lio ah hin tiva chung ah a tlak lan lonak hnga tiah a kedil in a rak tlaih. Cu caah, a kedil cu lasi tiva ti nih a rak tawng lo.

Achilles cu upa puitling a hung si tikah ral hna i zeibantuk hriamnam hmanh nih hliamh khawh lo ding ah an rak ruah. Sihmanhseh, Troy khualipi a rak tuk lio ah hin Achilles chambaunak a hngaltu pakhat nih a ral hna kha biathli a chimh hna. Cu tik ah, a ralpa nih Achilles hliamhkhawhnak zawn te ah khan thal in a kah i a thi. Nihin ni tiang zong ah mi pakhat siseh, timhmi pakhat siseh, bu pakhat siseh kilven khawh lomi chambaunak an i ngeihmi kha “Archilles Kedil” tiah an ti ṭheo.

Cubantuk ṭhiam ṭhiam cun sahrang uknak zong nih hin chambaunak an ngei ve. Tei khawh an si ve ko. An chambaunak zawn te kha hmuh khawh i doh ahcun tuan deuh le liauheumi tlawm deuh in tei khawh an si lai.

Cun, zeibantuk hoih cawlcanghnak hmanh hi caan tawi te ah hlawh a tling hrim hrim lai ti khawh a si lo. Sihmanhseh, hmuhkhawhmi sahrang pawl chambaunak hna i sel buin tuahmi dothlennak hi sahrang pawl an ṭhawnnak zawn tinh buin tuahmi nak cun hlawhtlinnak lam a kau deuh.(Gene Sharp, From Dictatorship to Democracy)By-A Ruang 13/04/2021

Be the first to comment

Leave a Reply

Your email address will not be published.


*