Kan ram him seh ti kan duh cun Mizo le Naga lungput ngeih kan herh

Mizo le Naga cu an sual ko bu zongah anmah le anmah cu an i dirpi caah mizei miphun hmanh an ram chungah an lar kho lo.2016 lio ah India Delhi in Kawlram ka rak tlawng. Motor in kan kal ko i Aizawl phanh lai ah kan hmai a kalmi Mizo pa mawnghmi Sumo le India Kala pa motor hmaitonh in an i su. Lam zulhphung ning cun Mizo pa a palh. A kalnak lam leng in a kal caah a hmailei rami India pa motor cu a pah ai.

Cu ti Mizo pa a palh tikah India pa nih Mizo Sumo mawngpa cu a kut a thlak. India pawl kha Oil pump an si i an tam ngai, pa lawngte 8 tluk an si.Cu ti cun an motor cu lam laifang ah an um ko i Mizo Sumo mawng dang zong an dir, midang tlungkal zong an dir dih i thil sining an hlat tikah India Kala pawl cu vel hna uh zeiruangah dah kan ram cia ah mi kut an thlak an ti.

Tar pakhat nih a chimmi cu “zoh sawh ding an si lo. Motor cung to ko bu ah kut thlak phung si tung lo. Cucaah cun palik an rat hlan ah cei taktak in vel hna uh an lawr tuk ai,” tiah a ti. Cu ti cun kan dir ko i mizo tlungkal pa deuh nih cun India pa cu voikhat voihnih cio an bengh len. A hramthok bantuk si ti lo Kala pawl cu an zin dih. Motor tang hmanh ah an tum ngam ti lo.

Caan tlawmpal hnu ah palik an phan. An bawibik cu Kala thiam a si i a changtu kha Mizo a si. An Bawibik nak in Mizo pa kha a holh deuh i zapi hmuh hngan bak ah Kala pa cu nangmah na palh. Ziah lam siikan ning leng in na kut cu na thlak tiah a ti chih beh. India Palik bawi hmanh Mizo hmai ka cun a holh ngam lo. Cu ti cun motor mawng pahnih cu zunglei ah an motor he an kalpi hna. Ka zumhnak ah mizo pa kha thiam co dawh a si.

2015 ah si than kaw Nagaland Dimapur Khuapi Sianginn ka kai lio ah Assam pa nih Naga nu kha phaisa phalh in a sualpi caah mipa cu thong an thlak. Nikhat hmanh a rau lo. Naga mipi an tho i thong in an bauh dih i Assam pa cu an chuah. Khua laifang bak ah a thilpuan an phoih dih i zohchiah taktak in an tuah hnu ah an thah beh. India cozah a dai, Assam pawl an holh ngam lo. Zeicahtiah Naga pawl pakhat le pakhat an i dirkamh ning an hmuh hna tikah an ram chungah cun ti phun an si lo ti an theih.

Mizo le Naga ram ah cun an ram chungah miphun dang nih nawl an ngei kho lo. Anmah le anmah an i dirkamh. Miphun dang nih duhpoh in Vawlei ngeih le inn cawk khawh a si lo.Cu bantuk lungput cu nihin Laimi nih ngeih kan herhmi a si. Mah le miphun, mah le unau leng in miphung dang kan uar tuk mi le kan zumh tuk mi hna hi ruah caan a cu.

Cucaah Laimi na si ko cun atu hi na miphun na unau dirpi le tanpi a herh lio caan te a si. Mah miphun le mah unau nak in midang a zum deuhmi le a uar deuhmi cu mitling ah ka ruat kho hna lo. Mizo le Naga cu an mah le anmah an i dirhkamh caah an ram chungah mi zeihmanh an lawr kho ve lo. An palh an sual ko bu zongah an i dirkamh. Cucaah miphun dang nih an tih hna.Credit-Tluang Ceu Thang

Be the first to comment

Leave a Reply

Your email address will not be published.


*