Kan Pastor te lê Mifim Kan Pa le Kan Nu le nih Kan mi phun Kong cawn piak nak ah Israel he tah chun in an kan cawn piak tawn. (a tha tuk)

Kachin Miphun hi (Lai Mi / Chin Mi) he U NAU Kan si tiah Pi le Pu / Nu le Pa nih bia cah peng mi a si. a tha tuk)

Kan Pastor te lê Mifim Kan Pa le Kan Nu le nih Kan mi phun Kong cawn piak nak ah Israel he tah chun in an kan cawn piak tawn. (a tha tuk)

Mah bel te Kan mit nih Kan hmuh khawh mi Kan U NAU tak tak a si mi (Falam, Matu, Tidim, Hakha, Thantlang, Mizo, Mindat, etc,..) U NAU Kan ni dawt nak ding an kan cawn piak tu ding cu a um ruah ló.A tu thawk in Mah le Biak inn cio ah kan ni cawn piak ding a si tiah khua tampi a Ka ruah tar.

Kan Pa Pathian: nan Kan chawnh piak bantuk in Kan mit in Kan hmuh khawh mi Kan U NAU hmanh Kan ni dawt khawh ló ah cun Nang Mah Kan in dawt Ko Kan timi cung ah nan Kan ngai thiam Ko.

KACHIN kan U NAU hmanh Kan dawt khawh ah cun Kan U NAU tak tak a si mi cu dawt khawh chin chin ding Kan si ló maw..(Miphun ah siaherhnak hen)Credit-Kyaw Pi

Covid kong ah siaherh bia:Chawnh A Fawi Tukmi Covid-19 Pulrai In I Vennak Sibawite le ngandamnak lei rianttuanmi hna nih tling deuh in hun chap te hna sehlaw, Tuluk ram in a hung chuakmi Coronavirus zawtnak rungrul nih 2019 khan vawlei cung dihlak a kan phak i minung tampi kan thi cang. Chawva, caan, le fimthiamnak tampi dih in i thlawp, i ven, i bawmh a si.

A tei cu an kan tei pi cuahmah ko nain zawtnak rungrul kha muisam thlen a hmang i atu lio India le Thailand (Nizan ah Thailand zong ah Kawlram mi minung 15 cungah zawtnak hrik an hmuh chuah) nih an hun tuar ngaingai. Europe ram zeimawzat zong ah a karh. Nizan khan India ram hmun zeimawzat ahcun an i chawnh ning kha a hun dai deuh nain nikhat i a thimi minung cu thong li leng an si tthiam tthiam ko rih. Mizoram cozah zong nih May 31, 2021 ni tiang total lockdown erhkhumh cikceknak nikhua cu a hun sauh chap.

Chinmi, Mizoram ah a hun i dor ta mi lak in nu pahnih an nunnak a liam cang. Kan ngaih a chia ngaingai. Atu lio ahcun India ram in Kawlram ah a thli te in a rak kir mi hna kha khuami nih nan kan ttih awk a si i, cu nan kan ttih hnu ah dawtnak in a ven zong nan kan ven thiam a herh ngaingai mi a si. Kan dihlak kan i veng tti hna lai. Covid nak fak deuh in thil dang nih a kan den ruangah Covid kha a ttih nunnak a zor hlei lo, kan innpa ah a zual chin ti kha mizapi nih kan lung a fian a herh ngaimi a si. Dai thlang bak hna hlah usih.

Thin hunnak ngei lo te in hi ka capar te hi nan rak rel khawh ahcun kaa lawm tuk ko lai. Mizoram ah chikkhat a hun i dor tami, a tlawngkai mi, khua tuak tuk lo pawl kha Kawlram ah vaibar lo tein an kir tthan. Rapid test (rianrang in covid-19 hrik ka ngei maw ngei lo timi chek nak) i tuah lo in kan khua ah kan tlung hna.

A poi taktak. Nangmah le keimah nih Laitlang ah zawtnak hrik kan phurh khawh, midang kan chawnh khawh ti kha kan hngalh ko lai, asinain kan i hrahhram i zeihmanh rapid test asiloah test taktak tuahta lo in Laitlang kan khua ah kan kir ko. Mirangholh i ignorant an ti i Kawlholh cun na-maw na-meh timi, tlabulbal in um kha kannih Chinmi cu kan si lengmang ko rih. Rapid test tuahta lo in a rak tlungmi hna kha khua, sang le veng, innpa hna nih khrihfabu ah report (thawngthanh) nak tuah in, a tlawmbik mah le inn cio ah zarh khat chung (home quarantine) erhkhumhnak tuah ter ding an si. Falam i nizan tihni (May 20/21 hrawng) ah Covid hrik an hmuhmi hna minung 4 kha Mizoram in a thli te in a rak kir mi an si, an ti.

Tutan India ram i an tuarmi Covid-19 rungrul zawtnak phun hi i chawnh a fawi khunmi, a zawmi nih an zawt an i theih colh lomi (symptom a langhter lo), an zawt hnu ahcun mino a tthawngmi hna hmanh zong a thah cuahmah fawn mi, ttih a nung ngaingai mi a si. Pathian nih damnak le himnak kan pe rih ko seh, kanmah zong nih fel tuk in kan i veng hna lai; khua, sang le veng nih inn ah i erhkhumh u, rapid test nan i tuahnak certificate kan hmuhsak u tiah hal le, mah pumpak zong nih certificate cu pek ve, sang le veng nawl zulh ve kha i nautat hna hlah usih. Zawtnak rungrul hrik i vennak ahcun kan zapi te i bawm in kan doh tti, kan i thlawp tti khawh a hau. Mizo sibawi, missionary, pastor, tar, mino, mirum, sifak, an thi ko hna. Aho hmanh a hrial hna lo. Ramri khua pawl chinchin cu hawi hlei in i ven cia, ralrin cia kan herh ko lai.

Rapid test tuah kha Mizoram sizung le clinic ah man fawite in tuah khawh a si ko i (kyat 5000-6000 lawng test man liam a si) minit 15 in 20 karlak lawng aphi( result) hngah a si ko. Kan ram (Laitlang) ah kir le tlun aa timmi hna vaibar lo tein a thli te in kir ti hna hlah usih; a tlawmbik ah rapid test kan i tuahta hnu ah kan kir hna lai i, a si khawh ahcun a tlawm bik zarh khat chung mah le inn cio ah erhkhumhnak kan ngei hna lai. Hmurhuh (mask), kut ttawl (ti le hand-gel), le mibu in um lo (social distancing) kan tuah cio hnu ah Mizoram ahcun mizapi nih vitamin-c aa telmi sii nikhat pum khat an din; kannih Laitlang ah sii cawk awk kan ngeih lo hmanh ah Pathian nih kokek in kan fingtlang ah a kan pekmi khuhlu kha nikhat pum khat/pum hnih peng ei ve hna usih.Credit-Lal pek Lian

Be the first to comment

Leave a Reply

Your email address will not be published.


*