kan nih Chin/Lai mi caah cun pupa ro sung lai” meithal” hi adang hriammam pawl nak in san atlai deuh i atha hlei khun.

Pupa Ro Sung lai”Meithal” hi zeitluk in dah kan caah a that.Vawlei cung meithal lak ah atha bik mi cu pupa ro sung lai” meithal” hi a si ko rua. Vawlei cung hriammam pawl zong nih an tluk lo. Zeitluk in dah athat timi atang lei ah tawi te in ka van langhter lai.

Vawlei cung ralkap tam u nih an i tleih mi AK-47 le van in kahnak jet fighter pawlnak zong in atha deuh. Atu ah AK-47 pikhi hei itleih tuah u sih law, voikhat te ralram ah kan va kahnak lai i, avoi hnihnak cu thianthun ca hmanh ah santlai ti hnga maw? Aruang cu akuan cawknak ahar. Cun van i kahnak jet fighter pawl zongkhi hei ngeih u sih law kan hmanthiam lai lo cu afiang ko.

Kan pupa ro lai” meithal” athatnak cu” azaang i ral ram ah fawi tein tlikpi khawh a si, akuan zong lai zal tein tampi i bei khawh a si rih. Zenthong pakhat ah hin kuan tampi a um i voikhat kah ah minung pahnih thum cu fawi tein akah that khawh. Mibu pilak i kahnak hrim ah atha kun. Cun akuan a dih hnu zong ah India ram ah man deng tein cawk peng khawh a si fawn.

Mirang chan lio zongah kan pupa hna nih an mah serchom mi lai “meithal” he mirang ral kap pawl cu arak phomh ciammam hna i, mirang ralkap pawl nih cun kan tei kho ti hna lai lo tti an i fiangtuk caah remnak tu an rakser pi hna ti cu zapi nih theihmi a si ko. Mirang ralkap pawl nih an hriammam thatha he an tei kho lo mi hna cu kan pupa hna lai “meithal”he adir mi an si.

Cu ca’h kan nih Chin/Lai mi caah cun pupa ro sung lai” meithal” hi adang hriammam pawl nak in san atlai deuh i atha hlei khun. Nihin kan pupa hna ro” lai meithal” he ram le miphun caah tiin adir mi nu sal pa sal tha vial te hna” thawng ngai le ral tha ngai” in um ko u! Teinak pek ding in anguh ballo mi Isreal Pathian cu nan sin ah aum ko.Ral tha ngai in pupa ro sung lai “meithal”he. Crd-Cung T Mang

Be the first to comment

Leave a Reply

Your email address will not be published.


*