Kan nau le an nunnak le an thisen hi kawl Cozah he i fawnh nak men ahcun kei cu ka siang hna lo.

Kan nau le an nunnak le an thisen hi kawl Cozah he i fawnh nak men ahcun kei cu ka siang hna lo.

Hi tluk a kum in kum tam tuk te kan tuar cang an mah kawl Cozah tuk in, zei bantuk Cozah thar zong va si hna seh, zumh ding an si lo zia hi kan i theih ding a si cang lo maw.

Kawl Cozah he fawnh a duh mi hna cu dohthlennak a dih tik ah kawl Cozah he riantuan tii te uh, kawl Cozah he fawnh a duh lo mi nih Chinland Independence kan khel te lai.

Nihin Ni caan hi kawl Cozah he riantuan tii ding le ram ser than nak kong ruah caan a si rua lo. Chinland ah Independence kan lak lai ti caan a si i Independence kan lak hlan lo kan doh lai ti caan a si deuh rua dah ka ti.

Online Cozah hna he mifim pipi nih min va thut zong hi ruah ah ningzah hna a si pah ka ti. Kan nau le nun nak le thisen hi kawl Cozah he i fawnh than nak ding ahcun a paam tuk.Ka siang hna lo.Credit-Salai Ceu

Adang relthan:Ka hawi, nang cu ramtha na phan, Asean ram ah a nuam cemmi Malaysia na phan i Kuala Lumpur khuapi chung ah na duhtawk in na vak. Na duhnak Restuarant poh ah na thu na duh mi tirawl poh na ding ei.

Na duh ah Tiluk chuan na ti, na duh ah Malay chuan na ti, na duh ah India chuan na ti, na duh ah Lairawl na ti. Na duh ah Kawl rawl na ti. Na duh mi poh na ding ei kho. Na thilthuam thatha he Kuala Lumpur khuapi hmun kip ah na kal i hmun nuamnuam ah na vak ko.

Kha lio ah khan kannih Chinram ah a ummi na hawi le hna cu ruah sur lak ah Lai meithal chia te he kan ral kan doh hna. A can ah nilin lak ah thlan ti he chosang kan kai. A can ah ruah sur lak ah tiva te kan hrawng. Kan i hruk mi kan thil a cin dih zong ah thlennak hmanh ngei loin kan um.

Nikhat ah rawl voikhat lawng hna kan ei. Zan riah loin kan ih hi a tam ko. Kan rawl a kik dih, kan meh cu thinghnah an si. Ti kik te he a kik tak mi rawl cu kan ei i kan ral cu kan doh hna.

Aw.. A har maw har lo ti ahcun a har bak ko. Sihmanhsehlaw a har tuk tiin kan Chinram te hi zamtak awk a tha ti lo. Chinram hlei ramdang kan ngei ti lo. Hi kan Chinram te hi kan kilven lo a si ahcun vawlei cung ah ram le vawlei ngei lo miphun si lai ding kan ruat kho lo. Kan far le tete hna Kawl ralkap nih an duh poh in tlaihhrem ding le nupi ah i tuah ding in kan siang hna lo. Kan nau le hna kanmah bantuk in fimcawnnak ngei kho lo ding in kan siang hna lo. Kan nu le kan pa, kan pi le kan pu hna hmai lei an thih tiang lungrethei ding in umter kan siang hna lo.

Cu ruang ahcun chun he zan he ramlak ah ral kan dohnak cu a si.Ka hawi, ka rawl ei kaa a thaw ko. Meh ka ngeih lo zong ah ka rawl ei kaa a thaw ko. Nikhat ah voikhat lawng rawl ka ei zong ah ka rawl a tam ka ti bal lo. Zan it loin voitam pi ka um zong ah ka mitku ka ti bal lo. Ramleng um ka hawi na sia ka herh hlah mu. Zeidang zeihmanh bawmh kan hal lo.

Thil pakhat te tu cun rak ka bawm ko. Meithal a tha mi pakhat te ngeih ka duh tuk ee. Kan ral kahnak ah meithal a tha mi te ka pe law cuticun kai lungsi ko hnga, ka siarem ko hnga ee. Malaysia Chinmi Authawng

Be the first to comment

Leave a Reply

Your email address will not be published.


*