kan miphun Party a thawn thawngin NLD he ral kan si lai tinak a si tung lo

Miphun Tanh Le Dirpi Ah A Caan Rikhiah Um Lo, A Zungzal In A Caan Si.Laimi kan i funtom khawh lo ruangah kan thangcho kho lo kan ti. Kan thancho khawhnak hnga i funtom hna uhsihlaw kan ti ah le nan duh fawn lo.

Kawl nih an kan serhsat e, an kan namneh e, an kan neek e kan ti. Kawl nih an kan serhsat nak in i chanchuahnak caah kan miphun hmunkhat te ah dirti in le tangti hna uhsihlaw kan ti ah le nan duh hoi lo.

Kan miphun party dirpi caan a si rih lo e, a tuan tuk e nan ti. Phunghram remh taak hmasa a hau e nan ti hoi.NLD lawng phunghram a remh khotu ding an si nan ti.NLD nih hin kum 5 an kan uk chungah phunghram an remh kho lo i remhkhawhnak lam zong an ngei lo.

Bia pakhat tein hal kan duh hna.Zeitik ah dah NLD nih hin phunghram cu an kan remhpiak khawh lai? A ni caan tah nan kan chim kho lai maw? Phunghram remh hlan cu NLD tanh ding nan ti si kaw, NLD nih hin kum 5 chung ah an remh kho lo i, a tu a ra lai mi kum 5 chungah hin remh kho than hna hlah sehlaw tah, mah tiin cun mah an mah cu kan hngah lengmang ko kun hna lai? Zeitik ah an remh khawh lai ti hmanh aa fiang lo mi cu ma mitcaw hna beisei in cun kan hngah lengmang ko hna lai?

NCA lawng lawng in remh khawhnak lam a um an ti i NCA ah Dr. Lian Hmung zong nih kan miphun party ka hlam tuk hna e tiah a timi khi kan i fiang kho hrim hrim hna lo maw?

Cun kan miphun Party a thawn thawngin NLD he ral kan si lai tinak a si tung lo. Kan miphun ca i thatnak ahcun kan dirti ko lai i, kan miphun caah chiatnak a si ahcun a herh le ral zong kan si ko lai. Party dang dang kan si ruangah kan tang ti in kan dir ti lai lo tinak a si hlei lo. A herh ning in thil hi tuah le kal ti khawh a si ko.

Cun kan miphun chungin Rakhine ram, Makuai ram le Sakain ram then ah a um i an tlau cang lai ma, tiin le zei miphun ka si ti hmanh aa hngal huaha ti lo mi hna hmanh nih lungtho tein le lawm tein kan miphun funtom caan a cu cang tiah an dir lio ah hin, kan nih a hrampi a si mi hna nih hin a si kho e tiah ma kan ti kun hna lai? Rak i tuak cio uh, khua hi a faak deuhin ruattuah hna u sih. Kan miphun dirpinak ah hin a caan a si rih le si rih lo a um lo. A zungzal in a caan si.Credit-Tawk Awi Thang SangteChung

Be the first to comment

Leave a Reply

Your email address will not be published.


*