Kan Miphun kan in philh hna lo, CDM kan in dirpi hna

Melbourne nichuah lei i khua a sami Khrihfabu vialte hna i Pastorte, Khrihfa Upa dihlak, Laica chimtu sayate le ACCEM upa hna hawikomhnak kan ngei kho hna.  Caan saupi saduhthahnak kan ngei nain caanrem kan sersian kho tawn lo. Tutan hi  avoi khatnak hawikomhnak kan tuah a si. Zaanglek icelhnak phunphun kan ngei hna.

Biaphawng kan dengti hna. Siahherbia kan i ruah hna. Kan di a riam hringhran. Lairawl thaw bik Sathluak kan i hrawm. Lai kokek nun kan hlam than. Tantakor( Banluang )  bak in kan ei. A thawt pinah lung a hmui hringhran. Nulepa sin um a nuam. Hna a ngam. Lung a dai. Duh a tling fawn. Melbourne nichuah tluk in  aa funtom le aa dirkamh  mi community  kan tam hrim lai lo. Kan chiatchiat khat, kan thatthat khat tiin tuan kan rel ti hna. Dawtnak cu zeizong vialte tlathipthep tein  funtomtu a si.

Tulio kan ram kong caih lo le ruah lo awk a tha lo. Zeikong te kan caih kho lo. Tulio ah kan Miphun nih an tonmi harnak le temtuarnak nih kan lung a laak dih. Kan hnakkar ah nan i tenh. Kan sia nan herh. Kan zaang zong nan faak fawm. 

Cucaah kan sikhawh chung le ka ti khawh chung in kan cawlcang lengmang.  Kan ruahnak nih a phaak khawhzat in kan in ruat hna. Kan in philh hrimhrim hna lo. Khrihfabu in siseh, Community  in siseh i funtom in kan in dirpi hna.

Cucaah CDM dirkamhnak le tanpinak caah ACCEM hruainak in CDM Charity Night zong  tuah kan tim. Melbounnr nichuah Khrihfabu vialte hna le pawngkam miphun dang buu hna sawm in tuah ding timhlamhnak ngeih a si.

Tuchun tiangah ACCEM kut cungah $15000.00 renglo a phan cang. Thazaang chuahtu Pumpaak le khrihfabu  nan cungah kan i lawm tuk.  Thazaang chuah chin ko rih hna usih.

Thazaang chuah chin lengmang hna usih. Kan rak temtuar lio kha philh awk a tha lo. Tutan i kan tei lo ahcun hlan lio nak let sarih in kan tuar cang lai. Kan Ram a dam ti lai lo. Cucaah kan tei hrimhrim a hau. Kan tei hrimhrim fawn ko lai.

Nulepa hna nih donglo le mitthli he thla an cam. Chaw le va in kan ti khawhning cio in kan bawmh hna lai. Bawipa kan lei a tan ahcun hodah a kan do kho lai. Bawipa nih teinak a kan pek hrimhrim ko lai. အရေးတော်ပုံအောင်ရမည်။https://gofund.me/f9095fbe
Credit-ACCEM

Be the first to comment

Leave a Reply

Your email address will not be published.


*