Kan Kum Ning tein Nun Le Cawn Khawh I Zuam Hna Uhsih. (Career Advice From Jack Ma)

Kum 20-30 na si lio ah Hruaitu tha, Boss le company tha mi hna sinah thil ningcang tein cawn le nawl zulh khawh i zuam.Kum 30-40 kar ahcun zeibantuk rian, business poh ka sungh pek ka miak pek tiin  tuah i zuam ko.

Nain Kum 40-50 kar na si cang hnucun mah hi tuah ah a tha men lai ti siloin na thiam bik mi le a tha bik cang lai tiah na ruahmi  pakhat kha tuah dingin i hmaithlak law tuah i zuam cang. A dangdang ka try tuah lai ti caan a si ti lo.

Kum 50-60 kar ahcun thangthar mino ( next generation) hna thanchonak ding caah na fimnak le na experiences hmangin fimchimh le cawnpiak i zuam cang. Hi lio caan hi ka upa cang ti loin mino sinah na caan na pek caan asi.

Kum 60 cung na si ahcun na chungkhar, tufa hna he  na caan hman i zuam cang.Hi a cunglei bia hi Chiana ram ah a rum bik pahnihnak, Alibaba ngeitu Jack Ma nih a chim mi asi. Jack Ma hi hlasak le Thaichi hna a rak huam ngai ve mi asi.

Ka ruat ve. A thangchomi minung si dingah minung nih specific goal ngeih cio kan herh. Kan kum ning rupin caan dawi khawh kan herh. Zei poh nih caan an ngei dih.

Cuhlan vialte cu Biaknak ee, Politics ee, Social ee ka ti. A pikpak in cawnnak zongah ka banh nain rian le khai le caan ruangah ka ngol than peng. US ram ah ka hmang kho taktak lai maw ti ka ruat fawn. Ka duh mi le mipi nih an ka herhning hoih inĀ  zei rian pohah ka rak i pe. Nain kan Kumkhua ningin caan dawi thiam kan herh.

Business tama ka hawi le pawl nih Kaakhat hnih te business kong an ka ruahmi kha ka hna ah a rak lut kho lo, nain an bia cu ka philh lo. Ka fonhtawnh hna tikah thazaang longte an rak si. Atu ahcun ka lungah a rak chuak deuh chin lengmang cang.Bia a um hmasat hnu longah thlaici cu tuhkhawh asi. Zei ah kan rak rel lo mi bia kha ninikhat ah kan herh cemmi ah a cang kho. Cucaah a tu zong BIA in ka van langhter than ve.

2021 in cun Kum 40 lei ka panh thluahma ve cang caah Jackma a bia bang a dangdang ka ti lem ve ti lai lo. Ka tuah hnga dingmi lam taktak kai thim ve cang lai. 2021 kum ah na kum rup in tinhmi na ngei maw? Na kumkhua ningin thil dawi awk na rak hngal bal maw?

Ka Ca reltu hna, nan kumning tein nan life dawi khawh rak i zuam cio dingah kan share duhmi hna asi.2021 nan nunnak lamthluan cio ah nan lam tluang hram seh.

Kumthar luhka asi caah Opportunity Coikhat na hmuh mi thlaih khawh i zuam tiah Billgate nih a chim mi ka peh than te lai. God Bless All.Credit-Al Bik Lian Zathang

Be the first to comment

Leave a Reply

Your email address will not be published.


*