Kan khua kan ram aa dawh nakhnga le a thancho nakhnga kan dihlak in tuanvo kan ngei

Hihi cu kanmah rian si lo, anmah rian si kan tuah awk a si lo timi lungput kan ngeih ahcun kan khua le kan ram hi aa dawh in a thancho kho lai lo. Kan khua kan ram, kan zaatlang aa dawh nakhnga le a thancho khawh nakhnga tuanvo a ngei bik mi cu nangmah le keimah kan si. Aho rian ti loin kan tuah khawh mi kip cio in i bawmh kan herh.

Chin Oo Sii Mino nih kan i tinh mi thil biapi chung ah aa tel ve mi cu Sang le pawngkam thianhhlimh hi a si. Kan si khawh chung in mino nih zarh khat ah voi khat peng thianhhlimhnak rian kan tuah tawn. Sang chung ah ningcang loin hmunthur hlonhnak hmun zong caan pek in tawlrel kan i zuam. Cunglei tuanvo ngeitu Sipin hna, a dangdang hna le Sang nupa zong nih aa kan dirpi ca ah hlawhtlinnak zong tampi kan hmuh. Asinain, COVID-19 zawtnak ruang ah Cozah nih mibu in thutdir an khap ca ah caan kharlak cu kan hung i din ta. Asinain, cunglei nawl peknak in 2021 ah a voi khatnak bik thianhhlimhnak rian kan tuan than. Hmailei zong ah pehzulh kan i zuam lai.

Cucaah, Sang minung hna zong nih hmunthur hlonh lonak hmun ah hlonh ti lo ding le mah le hmunthur cio ningcang tein kan tawlrelpiak u tiah kan nawl hna. A thiantu um lio ah a hnawngtu um ahcun aa dawh lo ngai mi si. Zawng parathlet kan lo sual lai. Cucaah, Sang chung khuasa nulepa zong nih biatak tein kan dirpi ulaw kan bawm hram ko u. Sipin rian lawng si lo, mino kan rian lawng zong a si lo kan Sang a thianhlim nakhnga kan dihlak rian a si.

Mino hna zong hi nakin thazaang chuah rig ko hna usih. Kan miphun, kan ram, kan khuatlang ca ah tuanvo nganbik a ngei mi kan si zong kha i thei peng rih ko hna usih.Upatnak he,Chin Oo Sii Mino Bu By: Salai Joel Van KL Vice President

Be the first to comment

Leave a Reply

Your email address will not be published.


*