Kan hnu Myanmar idol I pakhat nak ahmu mi Esther Dawt Chin Sung kha Avoi hnihnak Chin Idol ah pakhatnak ahmu mi asi tiah an ti. Ka lawm ngaingai.

Chin Idol Vs. Myanmar Idol.October thla hi Lai mi khuacan kan rel ning ah cun Thothla asi. Rawl an vui. Thlai an thar. Fur adih. Khuacan anuam. Mi thinlung ai hliphlau. October thlapalai hi a ceu khun mi alo. Lung zong aleng khun an ti.

Kan pa le chan hrawng thil sining an rak chimmi bia pakhat cu Khuate in khuapi ah siangin akai mi pawl kha October thla hin an lung aleng, in an ngai tuk I November thla aphak ah khin cun an celh ti lo caah khua ah cun lovurmar in an tlung tawn an ti. Cu caah cun November thla cu Laiholh in Lovurmar thla tiah an ti e an ti.2014 October ah khan avoikhatnak Chin Idol cu kan khualipi Hakha ah rak tuah asi. Dr. Lal Uk hruainak le CACC tawlrel nak in tuahmi avoikhatnak Chin Idol ah an ka sawm caah ka lawm ngaingai. American Idol tiin an tuah mi cu vawlei cung ram kip ah Icawn cio in mah le ram, mah le miphun hoih in tuah cio asi.

America soft power pakhat asi mi Idol tlangrai nih kan mah Chinmi zong an kan phak ve. Avoikhat nak Chin idol Hakha I an tuah lio ah puai hunnak ah ka tel caah ka lawm ngaingai. Keimah bia le hla a thiamlo mi nih avoikhat nak Chin Idol I ribbon ka riam mi kha khat lei kam in Chin Artist pawl an hmai ka khap hna lo. Khat lei kam cun ka lawm ngaingai.

Mah avoikhat nak Chin idol lio ah khan tlangtla tu ah Laimi kan hla phuahthiam le artist pawl an tling ngai. Ka theih tawk ah Pu Van Or, Pu Siang Ceu Ling, Pu Herh Lian (adangdang an min ka cin tilo) hna nih Kan fanau le hla an sak mi comment an tuahmi tete ka ruah ah kan Lai Aritist pawl kha international level an rak siko tiah ka ruah. Hla an sak tik ah an aw an tuah ning ti bantuk. Cun a cancan ah asatu ruang ah silo in hla a phuah tu nih biafang ahman mi ruang ah hlasa tu caah ahar deuh nak ti pawl tiang in an hmuhchuah, an kherhlai khawh.

Kha lio I hla akan sak piaktu Laimi nih Music lei ah kanpacan pakhat asi mi Thlualam Biak Ceu a hla sak le stage cung I acawl cangh kha miring ka hawi le nih an zoh I “He is areal entertainer” an ti. An uar ngaingai. Kei nih cun America I minthang Frank Sinatra bantuk ah kan pa Thlualam Biak Ceu kha ka ruah ko.

Kan hnu Myanmar idol I pakhat nak ahmu mi Esther Dawt Chin Sung kha Avoi hnihnak Chin Idol ah pakhatnak ahmu mi asi tiah an ti. Ka lawm ngaingai. Union level in teinak ahmuh tik ah Chinmi vialte kan rak ilawm I kan I uang. Cu pin ah Chin Idol I pakhat nak ahmu mi cu Myanmar Idol zong ah Pakhatnak ahmu kho mi asi ti kha lawmh phu ngaingai asi. Chin Idol an tuah mi hi a sawhsawh asi lo. Chin mino zungthiam Artist pawl ahring tu asi tinak kha fiangte in alang.

Avoikhat nak Chin Idol I pakhatnak ahmu mi Billy NCB khi Myanmar Idol ah izuam sehlaw Pakhatnak ahmuh men ko lai tiah ka ruah ko. Athiam taktak. A aw zong a ttha taktak.Music nih hin ri anei lo tiah an ti. Misic nih hin Piangthar he thar lo he, zumtu he zumlo tu he, nu he pa he, liberal he conservative he an kan fun khawh dih.

Chin Idol kha tlangrai hna a kian ah cun kumchiar te pehzulh phu ngai asi tiah ka ruah. Zei ca tiah Chin mi vialte a kan awi tu le akan funtom tu zungthiam artist pawl ahring tu asi pin ah Union level ah kan hmai akan hngal tertu asi. Misic nih hin ri anei lo. Cun minung kan sining aniam le asan tah nak ah music hi tahfung pakhat asi ve. Chinmi kan niam lo.Opening the first Chin Idol in Hakha.Credit-Salai Bawi Lian Mang

Be the first to comment

Leave a Reply

Your email address will not be published.


*