Kan duh bikmi Cozah a kai hnu ah Refugee si peng hi a phung si maw?

Rakhine ram ah Rakhine Party nih Kawl Party a tei. Shan ram ah Shan Party nih a tei bak ve. Cun Kaya le Mon ram ah hmunhma 4, 5 hrawng ah teinak an hmuh ve.
Cozah cu an dirh khawh lo nain Kawl Party an zumh lonak kha Election ah an langhter i Hlawtdaw ah an miphun aiawhtu MP pawl an kai kho ve. An MP pawl nih an miphun caah Hlawtdaw ah (Meithal hman loin) ral an do ve lai.

Nain Chin ram ah: Chinmi nih kan duhmi le kan herhmi covo a kan pe ding Party tiin kan zumh bikmi NLD kan thim cang. Atu an kai cang. Refugee kan si kan i ti rih hi a dik ko maw?Chinmi nih kan duhmi Federal a kan pe ding Party tiah kan zumhmi NLD kan thim cang. Kan duhbikmi uktu a kai cang. Kan zumh bikmi Party nih a kan uk cang. Refugee ka si kan ti hi a felmi dirhmun a si maw?

2008 Phunghrampi a remh lai, cun a remh kho bak fawn lai tiin kan zumhmi NLD kan thim cang. Anmah kai in an kai a si lo. Chinmi nih kan vote i Chinram ah (93% in) teinak a hmuh cang. Cu hnu ah Refugee ka si rih ko ti cu hrawkhrol a si lo maw?

Na ti dingmi cu “Phunghrampi a remh kho rih lo” na ti lai.Vawlei cung khoika ram hmanh ah Phunghrampi remh dih cang mi ti a um lo. Parliament hi Phunghram a remhtu buu an si i an ram nih a ngeihmi Phungrampi cu kum fatin an remh peng ve. US hmanh nih a remh rih thiam thiam. Hmai lei zong ah an remh ko lai.

Kan duhbakmi Cozah a kai hnu zong ah, Refugee ka si hei ti peng hi cu hrawkhrol taktak (Corruption) a si.Kei cu Kawl Party ka zum lo. An thawn deuh zong ah ka zum kho hna lo. Cozah an dirh khawh zong ah Chinmi nih kan sunghmi kan covo ngah than ding in cun ka zum kho hna lo. Chin Party lawng ka zumh. Vote hmuh hi Teinak a si lo. Teinak cu Miphun covo hmuh ding in riantuan hi a si.
Credit-Suisui Bawitinsui 12/11/2020 Kuala Lumpur

Be the first to comment

Leave a Reply

Your email address will not be published.


*