Kan bia tawi ko seh.Kum 2000 lio kha caan a dong lai ti bak rak sikaw, a min hmanh Y2K ti a rak si rua.

Kan bia tawi ko seh.Kum 2000 lio kha caan a dong lai ti bak rak sikaw, a min hmanh Y2K ti a rak si rua. Khrihfa tampi Jerusalem ah an kal i, Hotel nih a tlum ti hna loh hei ti bantuk, Computer nih hmailei kong a tlai kho ti loh hei ti bantuk a rak laar ngaite. Kha lio Kuala Lumpur khua chung i minung pawl umtu ning kha atu tiang ka mitthlam ah an cuang len rih.

Kum a dih i, kumthar a zarhkhatnak ah Laimi kan pa pakhat a simi Rev. James Sang Awi(tleicia) nih Rangoon LBC ah phung a chim an ti(Laimi nih kan upatmi pastor pakhat nih a ka chimh). Zeizei a chim hlanah, ‘’caan cu a dong ne lo ti u’’a ti, an ti.

Kawlram election hlanah mifim kan timi hna tampi nih, tutan cu NLD nih “ṭaungpio kaanpio’’ in an tei ti lai a ti na, NLD nih a cozah a ser kho ti lai lo caah a ti na, minung kan fim tuk cang caah tutan cu miphun party an ṭhawng cang lai a ti na, an si dih cio. Election a hon dih taktak cu, ‘’khoi ne hme’’ ti dingin a um ve. Hika zawn cu kan bia tawi awk a ṭha ti lo.

Party pakhat dirhmun in an chim ahcun chim rai a va si ko hnga. An chim cio ko. Tei cu pei an duh fam cu. An tuah khawh lo ding zong an chim lulh cio ko. A chim thamtham cu, a ngaitu kan fimkhur ah a za ko. Asinain, a lenglei in a thlihran a cuanhtu dirhmun in a chimmi hna nihcun “kan i palh” an ti bak ding a si. Kanmah bantuk pawl hi ka chim duhmi a si lo. Mi nih upatmi pawl hi ka chim duhmi a si. Sungh taktak in a sungmi Thurah Shwe Mann hmanh hmai panh taktak in kan pi le NLD a thangṭhat bak ko hna.
Credit-Perhkalh Thawng

Be the first to comment

Leave a Reply

Your email address will not be published.


*