Kalaymyo Palik Meithal Kahnak Ah Laipa pakhat Salai Joseph Thang hliamhma a pu.

Kalaymyo Palik Meithal Kahnak Ah Laipa pakhat Salai Joseph Thang hliamhma a pu.

2021 March 1: Nihin chun Kalaymyo mipi ralkap duhlonak langhter lamzawhnak ah Palik le ralkap nih mipi an kah hna caah Laipa pakhat a min Salai Joseph Thang tiah theihmi cu Palik nih a ke ah an kah i, hliam a pu tiah theih a si.

“Salai Joseph Thang (University kai lio Second Year Chemistry) hi Kalaymyo COTR Khrihfabu member a si i, aa hliamning hi a ke bor ah meithal kuan nih a khen i, a ke chung lei ah kuan cu aa țhekdarh caah atu hi Royal City Clinic ah tuamhlawm cuahmah a si tiah Kalaymyo COTR Khrihfabu an Pastor nih Rawn Chin Post ah a chim.

Kalaymyo lamzawhnak ah hliam a pumi hi minung 4 an si i, pakhat cu a paw ah hliam a si caah a zualhma ngaingai. Tear Gas a hamh sual i ambulance phurhmi hna he telh lo ahcun kuan in hliam a tongmi hna hi Kawl 3 le Laimi (Chin) 1 an si.Credit-Rawn Chin Post

Be the first to comment

Leave a Reply

Your email address will not be published.


*