Kalaymyo ah tlaih a tong mi Ko Min Min cu suimilam 24 chung ah a nunnak a liam.

Kalaymyo ah tlaih a tong mi Ko Min Min cu suimilam 24 chung ah a nunnak a liam..A tak pum ah fak ngai in hrem nak zong hmuh a si…

Chungkhar sin ah a rak phan than mi Ko Min Min ruak cu fak tuk in hrem nak hma a tak pum ah hmuh a si tiah chung khar nih an chim.

Ko Min Min ruak a keng lei ah hrem nak hma hña le , a thi chuah nak zong a pit rih lo ban tuk in cun nam zong in hmuah a si nak hma hña zong hmuh a si.

Sagiang ramthen , Kalaymyo , Myota veng (စိတ်ထားမဏ္ဍိုင်) cycle siam nak dawr in Ko Min Min cu May 24 chun hnu hrawng ah rallokap phu hna nih tlaih in, ni hin May 25 zing lei ah cun a ruak lak ding in chungkhar sin ah thawng an thanh .

Nunnak a liam mi Ko Min Min hi  a nu pi he fanu pahnih ngei mi a si .25May,2021
Khit Thit Media The Chin Post

Harnak le sunghnak pahchih in teinak hmutu Miss Universe Myanmar Thuzar Wint Lwin nih a chimmi bia pakhat

Tutan Vawleicung ramkip muidawh zuamak ah Myanmar  aiawih in aa zuammi le costume laksawng cotu Thuzar Wint Lwin cu US Chinmi mi zeimaw he tonnak tete an ngei len cang.

Ngakchia in upa tiang nih bia an hal. Bialeh aa harh bikmi cu tulio Kawlram dirhmun kong a si.  Amah lei in mipi sin ah a chimmi pakhat ka uar ngaimi cu,

” Sunghzatlaknak na ton zongah hnu tawn hrimhrim hlah. Naa tinhmi phanh khawh i zuam ko” tiah a ti.

Kan theih cio bantuk in Thuzar Lwin cu harnak phunphun le ram buainak lakah  Miss Universe zuam dinh in US ram a phan. Zuamnak aa hruk ding mi a thil design thatha an tuahpiak mi pawl a tlau. A bag in a tlau.  A caah chimpit bak a si i zuam loin ngol khawh a si. A thil a um lo caah. A sinain a sung a khang bak lo. Hnu a tawn lo.

A ngeihmi pakhat hnih tein lungdong lo tein a dih tiang aa zuam tualmal. Miphun thilthuam zuamnak zongah zeidang thilthuam a ngeih ti lo caah lakhruak in Hakha thil aa thim than i cu Lai thil he cun teinak a co ai.

Thialthuam zuamnak zongah catar tlaih ding pahnih le pathum an tial piak nain “pray for myanmar” timi aa thim. Cu ca tar le Kan Lai thil nih Vawlei a hnin dih ai.

Hi nu nun ah cawn ding cu zeibantuk harnak kan ton zongah lungdong lo in kan i tinhmi Kawltung zoh in kar hlan a herh.  Kan ngeih lomi le a um lomi thil ah buai si loin  kan ngeihmi thil  hmanthiam a herh zia a kan cawnpiak. Vawlei kan nun chung kan duh ning in thil an cang tei lai lo caah harnak ton ah a tlu colhmi kan si lo a biapi. Harnak timi cu hrial awk tha lomi thil a tei tu in tei ding khi a si.Credit-Tluang Ceu Thang

Be the first to comment

Leave a Reply

Your email address will not be published.


*