Kalay in Chinram lei a Rak Kaimi SAC Ralkap pawl Saetaw (Angteng) ah Mipi nih an Kah Hna

Nihin zaanlei sml. 5:30 hrawng ah Kalaymyo peng, Saetaw (Angteng) khua pawng ah Kalay mipi ralkap “Kalay Region Defense Association” (KRDA) le SAC ralkap an i kap, tiah thawng kan theih.

Kalaymyo in Chin ramkulh, Hakha (asiloah) Mindat lei ah kal a timmi SAC ralkap pawl cu Seataw khua pawng ah KRDA nih an kah hna hi a si.

I kahnak ah hliam a pumi le a thimi an um le um lo theih a si rih lo.

Saetaw khua i Kalaymyo peng le Chin ramri, Kawlrawn tlaknak zawn ah a ummi a si i, Laimi nih cun Angteng khua ti zong in an auhmi a si.

Seataw (Angteng) khua ah a ummi mi tam u i Khualsim pawl an si hna. The Chin Journal May 3, Yangon

Cawbuk Kahdohnak ah SAC Ralkap 4 an Thi tiah CDF nih an Fehter.Hakha, Cawbuk sang Check Point kahdohnak ah SAC ralkap 4 an thi, tiah CDF nih Mizzima thawngzamhnak ah an fehter.

CDF upa pakhat nih, “Matupi in Hakha lei rak luhnak ah SAC ralkap check point a um. Cuka ah cun ralkap 7 an um i CDF nih kan kah hna. Minung 4 fak ngaiin kan hliamh hna i pakhat cu a hmun ah a thi. A dang pawl zong an thi tiah chim khawh a si ko. Kanmah CDF lei in cun aa hliammi kan um lo,” tiah a chim.

Anmah CDF Page zong ah “CDF-Hakha le SAC ralkap kahdohnak ah SAC lei in a tlawm bik minung 4 an thi,” tiah an fehter.

Zaan sml. 6:45 hrawng in kahdohnak a chuak i sml. 8:00 hrawng ah kah thawng a dai.

Kahdohnak a chuahnak hmun lei ah ralkap motor zong an kal i, kiangkap khuasa pawl hmun dang ah aa tthialmi an um hna, tiah kan theih.The Chin Journal May 2, Hakha (Mizzima, CDF)

Be the first to comment

Leave a Reply

Your email address will not be published.


*