Kachin ram Myitkyina khua ah ralkap nih KIA an rak ngiartuk ruang hna ah mipi nih sau tuk an rak tuar ve,

Kachin ram Myitkyina khua ah ralkap nih KIA  an rak ngiartuk ruang hna ah mipi nih sau tuk an rak tuar ve,KIA  cu NCA min an thut lo caah khua chung luh in mipi hmai chuah awk an that lo caah an hnu lei tu in an rak dir pi peng hna.Nihin ah cu an kah taktak cang hna ii mipi zong ancawl cang ngai ngai cang caah Ralkap an thla a kaam cang.

Karen ram cu mipi nih ralkap an ttih hna lo an au hnawh peng hna.KNU  cu NCA  min thu mi an si caah khua chung ah lut in an mipi hmai ah an dir kanh hna caah ralkap an cawl cang ngam lo ii mipi an him ngaingai..

Chin ram khualipi Hakha in an thok ve cang ii ralkap nih mipi hrem an thok ve cang.CNA  cu NCA  min thu mi an si caah khua chung ah luh khawh nak nawl an ngei,a mah bel te an ramri leng cun meithal ken a ngah ve lo nain uniform he umkal chuah luh in mipi hnu hmai ah dir pi khawh nak an ngai..

Shanram Taunggi le Chinram Hakha ah ralkap nih ngiar hram an thok cang mipi ral ring te in cawl cangh a hau.

Kan chin zei dah a lawh ve te hnfa? Kan him lai maw kan tuar fak lai dah? Pathian nih kan ram damter ko cangseh.Credit-JohnF Thawng

Adang relthan:Hngalh Lo Nakin Hngalh Duh Lo A Sual Deuh:Kawl nih, “Ngeih lo nakin hngalh lo a har deuh, a fak deuh,” an ti. Cațialtu kei nih cun, “Hngalh lo nakin hngalh duh lo a sual deuh,” tiah ka ti.

Minung kan nunchung ah hin fim cawnnak hi a dih dong khomi a si lo. Hlaihlainak hna zong hi a dong kho lomi thil a si. Cu lawng si rih lo, khuaruah tuaktannak nih hnu in a vun zulh dawi chap bei fawn hoi rih.

Hihi țha tein vun ruat ta hmanh usih, hngalhnak zeihmanh a ngei lomi kan si kha kan i hngalh ko lai. Asinain kan hngalh lomi thil kha i zuamnak he kan cawn, kan hlathlai a si ahcun kan hngalh ko lai.

Zei thil paoh hi hngalh kan duh ahcun ca zong kan cawn lai, ca tampi kan rel lai i kut tongh zongin tuah kan i zuam ding a si. Cu ti kan i zuam khawh ahcun kan pum siseh, kan thinlung ruahnak siseh, kan thluak hngalhnak hna kha an țhangcho kho lai.

Minung nunnak hi tlik i zuamnak hmun, țhening tuahnak hmun kaupi pakhat bantuk khi a si. Kan nunnak ah tampi cawn ding a um. Kan i zuam ding le kan hlathlai ding tampi a um i kan ton dingmi harsatnak rel cawk lo an um.

Kan nunnak ah hin kan hngalh lomi thil tampi a um ko lai, asinain hngalh kan duh i kan i zuam ahcun a si kho ko. A hngalh zong kan hngalh fawn ko lai. Amahbelte a poi taktakmi cu kan hngalh lomi nakin kan hngalh duh lomi kha a si.

Kan hngalh lomi cu hngal dingin cawn khawh, i zuam khawh le hlathlai khawh a si. Asinain hngalh duh lo belte cu a dih bak, chim ding a um ti lo. Hihi minung nunnak a hrawktu ding lungput a si.

“Vawlei cungah ka hngalhmi thil pakhat lawng a um. Cucu zeidah a si ti ahcun, zeihmanh ka hngal lo ti hi a si,” tiah I Style timi pa nih a rak chim. Tampi cawn kan hau rih. Tampi hlathlai kan hau rih i tampi i zuam kan hau rih ti kha a chim duhmi a si.

Cucaah cun kan hngalh lomi cu a poi lo, i zuam khawh a si ko. Asinain hngalh duh lonak lungput kan ngeihmi bel a poi taktak. Cu a si caah ka hngal huam lo, ka hngal duh lo timi lungput hi cu ahohmanh nih ngeih i tim hrimhrim hna hlah u sih tiah sawm buin.Dinnak kha a cat lomi tiva bantukin luanter camcin ko u (Amos 5:24).By.Salai. K. Biak Lian Thawng

Be the first to comment

Leave a Reply

Your email address will not be published.


*