Kaa Lungsi Ko.Ka hawi nu pakhat cu iPhone man tam ngaimi a nei,

Kaa Lungsi Ko.Ka hawi nu pakhat cu iPhone man tam ngaimi a nei, kei ka hmanmi hi man tlawmmi te asi.Kan hmannak a kan țhathnemnak kan tuak tikah aman tammi a iPhone nih khan zei pi ah khin a thathnem hlei lo.

Suimilam 3000MMK man te aa khihmi pa kha a caan a hnu bal lo, nain Suimilam a sing sang man aa khih mi hna zong a caan a hnumi an rak si țheu tawn.

Kan inn hi a chiami te a si ko nain hnangam tein kan i dornak hmun asi.Ngapih rawh te he kan ei zongah kan ka a thaw ko.Kan ihphah, a pan padak te asi ko nain mitkuh thaw tein kan i hngilh ko

Kan neihmi thil le ri hna hi an man a tlawm le a tamnak nak in kan caah zeitlukin dah țhathnemnak akan pek ti hngalh hi a rak biapi deuh.Naa tawk lomi keden i den chun hmah.

Mirum pa kut chung i phaisa tompi nak in khin ka kut chungah a ummi phaisa thongkhat te nihhin aka țhathnem deuh ko lai.A hi ka mi pa te nih hin a khi Minta pa nak cun a ka dawt deuh hrim hrim.

Ni zaan nakin, thaizing nak zong in nihin hi ka caah caanțhabik asi ko.Zeizong vialte hi Pathian khuakhan ning le aa tinhning in an kal ko.” Ef.1:11.

Herhbau in um kha zeidah a lawh ti ka hngalh, cun a hlei a hluat in ngeih kha zeidah a lawh ti zong kha ka hngalh. Cucaah khuazeika hmanh ah, zeitik caan paoh ah, ka paw a khim ah siseh ka rawl a ̣am ah siseh, tam tuk ka ngeih ah siseh, tlawm tuk ka ngeih ah siseh, lungsi hnangam tein um kha ka thiam cang Filipi 4:12.Pathian thlarau nih fiankhawhnak kan pe cio hram seh!Credit-NT Sui

Be the first to comment

Leave a Reply

Your email address will not be published.


*