Ka zaang an faak bak ko

Tulio cu Covid-19 ruangah a phunphun in harsatnak tongmi an tam. Rian dinhter lay off zong an tam. Rian lo ummi an tam. Phaisa a harsami an tam ko.

Culio ah mitampi cu immigration lei ah bawmh an herh taktak. Appointment an i laak. An duhmi le an herhmi ruahnak peeknak dingah minutes sawmthum chung (immigration consult/counseling) ca-ah dollar sawmli an liam hau. An herh tukmi le asi fawn. Phone in ka chawnh hna; phaisa an liam hmasa ta a hau. A cheukhat cu sii-zung ihkhun cungah a rak ummi hna an si.

Rianttuannak ahcun policy ning tein zulh a hau fawn. Ka clients cheukhat pawl phaisa pek awk hrimhrim an ngei lo. An appointment hei cancel piak ding khi asi ko nain.

Ka lung ttha lo tuk. Anmah dirhmun kai si ter hnik ah ka zaang an faak tuk. Chuncaw ei caan hi sml pakhat ka ngei. A rannak in rawl ka ei ii, minutes pahra hlan ah kai lim. Phaisa a ngei lomi pawl cu: ka call hna ii, immigration ah an case tuahnak ding ah, an herhmi info vialte ka chimh dih hna. An i lawm tuk ve. Fangkhat hmanh phaisa an liam lo.

Na thinlung chungah dawtnak le zawnruahnak hmunhma kau a um ahcun: zeimaw caan cun na rianttuannak policy ning lo deuh zongin na um ngam caan um ko lai. Na care tuk lem lai lo.Credit-Salai V D Ceu

Be the first to comment

Leave a Reply

Your email address will not be published.


*