Ka papa hi, miding mifel a si. Thil pakhat biakamhnak a tuahmi a hlaw bal lomi pasal tha a si.

Ka papa hi, miding mifel a si. Thil pakhat biakamhnak a tuahmi a hlaw bal lomi pasal tha a si. Kum 17 ka rak si lio ah,ka nau le Sunday school lak ah ka rak kal i Mah ahcun ka hmai motor ka teih sual. Gas station hmai ah a rak si i, motor ka teihmi cu Zeitin hmanh a rak um lo nain minor ka rak si caah upa pakhat na auh hna lo ahcun Palik ka auh hna lai a rak ka ti. Vanthat ah ka papa cu has a rak rawn lio si i a Mah nih, ka theihmi si Keimah nih tawan ka lak lai a rak ti tikah mirang nu cu a lung a rak dam i a rak kal. Ka motor cu a thar te a rak si i ka nu le pa nih sik ding ka rak tih tuk, ka papa ka nu le pa na chimh hna ahcun an ka sik lai ka rak ti. ZiZi, Nangmah nih chimh Na duh lomi cu ka chim hna lailo, Na motor zong Zeitin hmanh a um lo Nangmah zong Nai khawngdeng lomi kha a biapi a si ko a rak ka ti. Hi thil a rak cangmi hi a hohmanh nih an thei lo i a thlankhur tiang ai luh pi ko ee.

High school kan dih ah siseh college kan dih ah siseh ai lawm cemmi cu a Mah hi a rak si peng. Ka nu le pa a rak ti peng mi hna cu, “Emily nu le pa nan nih lungretheih cu lungretheih tha a si. Nan fa le Sianginn an Kai ruang ah nan lung retheihmi cu lungretheih tha a si ko. Keimah zong hi bantuk lungretheih cu ka duh ve ko,” a rak ti tawn.

New Jersey ka rak um lio ahkhan ka chungkhar tak tak dah ti lo ka papa lawng hi zarhfatin ca a rak ka kua ti a si. Zarhfatin hi Na dam maw? Na tlamtling maw? Nai harh tuk ko lai nain I am proud of you. Nangmah caah thla kan campiak peng. Na hlasak zong ngaih ka ngai i kan in hlam tiah ca a rak ka kua peng tu asi. Ohio ka rak kir than tikah, ziah Na kal lai zong nan ka chimh ve lo tiah ai ngaihchiat.

Ka papa tluk in a thinsaumi hi vawlei cung ahhin an sem ti hnga maw ka ti. Mithmuhbak in mipakhat nih a kut dong hehchet a rak sawh i, biafak fak in a rak to. Ka ngaih a rak chia tuk. Mahtluk kut dong an sawh lio hmanh ahcun “Keimah palh si. Ka ngaithiam ko. Keimah biachim thiam lo a si” tiah ngaihthiam a rak hal. Meeting zong ka rak thu kho lo i ka rak lawi. Meeting an rak dih bak in phone a ka Chawnh i a mah tu nih ngaihthiam a rak ka hal. Nan pa le kan tlamtlin lo caah si ngaihchia buin inn Na lawi mi ka sia a rem lo. Rak ka ngaithiam a rak ka ti. Amah palh a sinak pakhat hmanh a um lo. A palh lonak hmanh ah mi ngaihthiam hal mi a si.

Nikum Pastor’s Appreciation week ah laksawng tlawmpal te ka rak pek. Laksawng ka rak pek mi hi chin phu hmanh a si lo nain a thaizing ah cahmai khat bak in lawmhnak ca a rak ka kuat i a leh zia zong ka rak thiam lo.

Tukum cu ka papa hi, siizung a chuah tik ahcun ka si khawh tawk in laksawng ka chuah te lai i siizung a umnak a experience kong zong tampi bia ka ruah te lai tiah Kai rak ruahmi a si. A dam deuh i ca a ka kuat tik ahkhin ka papa nih hin a rak ka siaherh tuk ve a ka dawt tuk ve timi khi 100 ah 100 in Kai fiang.

2017 i nursing ka rak dih lio ahhin a rak ka timi cu “ZiZi, nurse na si cang i Nangmah nih ka Zawt sual ahcun Na ka zoh cang lai i ka hnangamtuk,” a rak ka ti.

Kum 3 chung nurse ka si cang nain voikhat te hmanh ka zoh manh lo ee. Hawi hlei thiam le a thei bang in, siizung a um ahkhan ka tuannak hna ahhin rak um ve sehlaw, ka rak bawmh khawh hnga i a tu bantuk hin ngaihchiatnak kan tong hnga lo mu ti hna khi khua ka ruat. Vawlei cung ahhin disappointed ding ka rak duh lo bik cu a Mah hi a si. Fimcawnnak hi thazaang a pe tuk mi a si i a mah proud ter ding hi ka rak duh tukmi a si.

Ka papa, Na thawngpang nih kan vawlei pi a cheu dih cikcek. Zei Thil kan tuah hmanh ah Na muihmai kan mitthlam ah a cuang i mitthli a hul lo. Tuni thawk cu Nangmah bantuk in tha pe tu ka ngei ti lailo. Nangmah bantuk in awneem tein mi chawn tu ka Ngei ti lailo. Sau nawn pumh khawh lo ka um tik ah, a ka hlam tu an um ti lailo. Biakinn kan hun phak tik ah, dong tu kan ngei ti lailo. Na zuunkhung Kan phur kho ngai hnga maw?
By-katie Van Zi

Be the first to comment

Leave a Reply

Your email address will not be published.


*