Ka mitthlam ah The Hakha Post

Lai media ah bochan ngaingai mi The Hakha Post an thawngpang theih cu lung a tha ruam lo. Kei an konglam thate ka zulhdawi lo caah zeitin si ka fiang lo. Sian lonak ah Hakha Post thawk rak timh lio hrawng cawlcanghnak tu mitthlam ah a cuang than.

2011 t့hal lio ah U PaPui nih caholh lei huam deuh mi a rak kan khawmhsuat i news tial ningcang training an rak kan tuahpi. Cu lio ah cun, Hakha ah khin UThawng (CBT) le PaHre (MHL) nih tadin tial ningcang an rak kan chimh. Cuka ah cun, atu i Hakha Post Chief Editor Pu Van, Saya Rollin, U Hoi Cung, UCin, Ukte, DimDim, SangSang, NauCuai, tbk khi kan rak si. Kan voi khat kainak cio a rak si i a nuam ngaite. Ukte, Asang le kei hna cu Lai Cazual, Lai Mekazin kan rak tawlrel lio si i kan rak tat-cuah ngang-: A nihnihnak HBA (Shalom office) ah kan tuah i HYF Cazual tlai Holy le Salai Van Tin Lian zong rumra nawn he an rak rat cu kai chinchiah-:

A hnu deuh ah, Halkha ka phak lio ah an ka sawm than i Saya Rollin te inn ah kan Pule pathum, U Hoi Cung, UCin le hodek ai tel ti, HKPost dirh tik i hruai nakding kongkau le rian tungtlang khi Upapui nih cathluan chuahpi i rak caih a si. Khan, kei sianginn kai ka kal than i zei ka hngal lo. Kan Ule biatak tein timhlamhnak an rak ngei. U Hoi Cung bel Malay a kal. UCin rian a lut.

2012 kum thawkka, Kalay kai lio ah UPapui nih a ka chawnh i khah, The Hakha Post kan chuah tak cang lai hih, reporter zong na si lai i Kalay zuarzamhnak zong tuanvo rak la a ka ti. Ee tiah, khuachung zuartu ding ah ka hawi Billy bawmh ka rak hal, Kalay University ah ka kawi Van Kung nih a rak zuar. A caante ah tadin pa khathnihte ka hei kuat ve tawn hna. Cutin kum cheu tluk ka bawm ve hna. A hnu tu khan The Chinland Post thawk than ding a si caah kei ka dinh tak hna.

Caan a hun kal i The Hakha Post zong thawng taktak in a kal hmuh tik ah keimah lawmh tein ka rak i lawm ve. Laimi nih a fekfuan mi Bu ser kan i harh ngai lio ah HKPost fekfuan ngai in an kal cu hngar an um ko, tiah kan i caih theo. Culio ah atu bantuk a hun can cu a poi bak ko. Lung a nuam ruam lo. Nain zeiti awk tha ti hlah.

Zeiti si zong ah, careltu nih Lai Caholh tlangrian ah an i thawh cio mi a si ti ruat in The Hakha Post he Hakha Times he tha pe ko hna usih!Credit-Salai Kep Cin Thang

Be the first to comment

Leave a Reply

Your email address will not be published.


*