Ka fale, Aruang tampi lak ah pakhathnih in nan sin ka phak khawh lonak kong chimh kan duh hna.

June thla asiloah sianginn kai tawn caan kan phan cang lai nain…(4) Ka Fale Sin Cakuat Ka fale,Sianginn-ruun panh nan i ngaih tluk in khan kei zong nih nanmah he caan hmanți kha ka ngai. Sianginn ka phak lo ca ah a kan daw lo, amah zawn lawng aa ruat tiah nan ka ruah ding ka duh lo. A kan daw lo tiah nan ruah sual ahcun nanmah he hmailei ca ngol hngal loin saduh kan thahți lio ka mithmai kha rak cuanter țhan ulaw.

Ka fale, Aruang tampi lak ah pakhathnih in nan sin ka phak khawh lonak kong chimh kan duh hna.

Pakhatnak ah ralkap uknak tang ah sianginn a kai mi ka si ca ah keimah bantuk in nan hmuh mi le nan ruahnak a bit ding kan duhpiak hna lo. An chim mi bia kaa khat kha nawl ah a ser mi hna kuttang ah nan țhanlianh ding zong kan duhpiak hna lo. Nanmah nan zumh mi kha ralțha tein a dirpi ngam ding nan si ding kan duhpiak hna. Nan zumh mi, nan hmuh mi fek tein nan dirpi ngam nakhnga ka sining dihlak thaap in nanmah he aa hlatnak hmun ah ka umchung hi a si.

Pahnihnak ah dinfelnak, dawtnak le zawnruahnak a um lonak hmun ah cun fimnak cu san a tlai lo i manngei mi minung kan si kho lo ti kan chimh tawn hna. Dinnak le dinlonak aa do mi caankarlak ah kan chimh tawn hna bang in dinnak lei ah fekte le ralțha tein ka dir. A caan ahcun kaa thim mi lam hi kaa harh i khuaruah pit in ka um caan a tlawm lo.

Asinain, teinak ni kan phak tik ahcun nan Sayama kaa thim mi lam ruang ah nan ka lawmh lai ti zumhnak ka ngei. Teinak ni kan phak tik ah kan chunmang kan i ruah țhan hna lai. Hmailei ca saduh kan thatți țhan hna lai.

Ton țhannak nicaan hngak in, Nan Sayama Mai Biakilh: Siangcachim le Siangakchia hna nih sianginn an ngaihnak, sianginn kai an duhnak le nulepa nih fale fimcawn lo ding an lungfahnak, asinain, sianginn kai awk a that hrimhrim lonak kha pehzulh in langhter mi a si. Photo_Crd The Hakha Times

Be the first to comment

Leave a Reply

Your email address will not be published.


*