June thla ah khan CDC nih minung 5,470 bia an hal hna i 35% hrawng nih lungzawtnak (Depression/Anxiety) kan ngei an ti.

  1. “June thla ah khan CDC nih minung 5,470 bia an hal hna i 35% hrawng nih lungzawtnak (Depression/Anxiety) kan ngei an ti. Mah chung ahcun, 10% nih a luancia mi thla chungah mah le mah nunnak i lak nak (suicide) ruahnak kan lung ah a chuak an ti.” tiah ABC News nih a tial ti in October, 31, 2020 lio ah khan Chin Northern Star nih an rak langhter) cu bantuk zawtnak le siningin vawlei ah khua kan sak lio ah kan nih Burmaram mi cu Covid-19 nih a kan den chih, cu chinchap ah MAH hruai mi ralhrang hna nih sualnak ngei lo mipi an kan thah chap rih.
  2. Mifim, mihrut, mirum, sifak, Khrihfabu a kan hruaitu kan Pastors te tiangin kan khuaruah ningzong hi zeithil hmanh tenglak in khua kan ruat kho cio hna lo chungpit vansan in um cio kan si hna.
  3. Hi bantukin Rom pennak tang ah Judah mi hna nih an rak tuar lio can ah Paul nih cun nikhat ah voi thum thliahmah Bawipa sin ah hi bantuk harnak hi ka lak piak ko tiin ka nawl a ti. Sihmanhsehlaw Bawipa nih a a lehnak cu “ka vel hi na caah a za ko, zeicahtiah ka thawnnak cu derthawmnak ah hin a lang,” ti a si. (2 Korin 12:8-9

Kan ton mi nih harnak kan pe ko hmanhseh nunnak pek tiangin a kan dawtu Pa Pathian nih a kan um pi ko!!Credit-Thawng Cin Mang

Na rel rih lo ahcun relthan:Ngol Awk A Ttha Ti Lo! Kan thih hlan lo minung le saram nih cun kan nunnak caah cawlcangh a si. Zeitin dah kan nun ka peh khawh lai, ka nun a nuamh lai i zalonnak ka hmuh khawh lai ti kha a fim zong fim lo zong ah a ruah i a cawlcang. Duh hlei khun tukmi a ngeih hna ruangah hakkauhnak, mah le mah i dawt tuknak, lawr duhnak te hna kha mibu nun ah a chuak. Dawtnak le siaherh zawnruahnak a um bantuk in i huatnak le mah pumpak diriamhnak lawng kawl duhnak zong a um ve. Minung nih a ttha mi le a dingmi, a hmaan mi kha a duh ve caah thlennak kha a si khawh chungin a kawl, a caan a pek, a nunnak tiang zong pek in a ttuan.

Cu tik ah raltuknak (war) timi tiang a chuak, chuah lo awk a ttha lomi sining nih a hal ruang ah a chuak. Daihnak, dinnak, le zalonnak tling hmuh khawhnak ding caah hriam tlaih in doh venak kha minung tuanbia ah hrial awk ttha lo in hmuhtonmi a hun si caah “War is Peace” ti tiang in phung an thluk phahnak hi si dawh a si.

Daihnak caah meithal kuanfang a hun chuah hnu ahcun fawi le bai in aa ngol kho ti lo. Aa pehzul mi thil phun tamtuk a chuak. Lungput ram nih kha kuanfang kha thlacamnak he lam a hruai a herh ngaimi a si. Diriamhnak menmen si hlah seh, “va awi, va ciap, va cei seh,” timi pamhnak bia phun nih kuanfang kha a zulh chih awk a si hnga lo. Satan nih a nun a khuhmi sualnak, tthat lonak, aana duh tuknak, hakkauhnak vialte tu kha, kha kuanfang nih a khen i a hrawh awk a si.

Fei le nam, kuan le bom nakin minung a kan hrawk kho deuh i a tthawng ngaimi tthawnnak zong kha a doh zia kan thiam ve a herh. Kan thin lawng a hun i, kan mit a cawt sual ahcun cucu teinak nakin sunghnak kan naih deuh; Satan nih kan lungthin a tei tinak a si hnga. Pathian kha fek tein kan i zohchih ahcun thil dang nih hna a kan hnawh kho lai lo; hmaisuang in ral a kan tuk piaktu kan mino hna nih Bawi Jesuh fek tein an i zohchih khawh naklai zumtu mizapi nih, pawngkam ral vialte lei ah an pial sual nakhnga lo thla kan rak cam piak hna a herh. Kan nun samh piaknak, runven pinak, a dik lomi thawng zamh lonak kan ngeih piak hna i, forhnak (uico le uico i seh hna seh ti i forhnak phun) hmaan lo mi chungin ralrin pinnak kan ngeih ve a herh.

Mizapi nih kan i fian bak dingmi cu atu lio kan fanau sin ah a ttangmi kan si kha hngalh cia dih a si caah, atu lio ralhrang cozah nih an kan zum cia lo ti kha kan lung a pem cio a herh. Zumhlo ciami kan si lio ah an sin i zei ma lo hmuh ding i ruahchan bak lo ding zong hi a biapi tuk fawn. Laitlang le Chin miphun nih dothlennak a tuah tik ah vawlei cungpi hmanh nih a upat i tuanbia nih cawn awktlak si kho ding in kan lungthin i khat hna usih; Khrih daihnak le dawtnak ah kan i fumtom khawh peng ahcun kan ralpa Satan puarthau nak cu kan tei khawh ko lai. Miphun karlaklunghrinhnak, nakchuahnak le huatnak zong daihnak kuan in kan mino hna nih kan kah piak chih ko hna seh! Mizapi nih thla kan cam tik ah “Hosanna” tiah Bawipa bawmhnak halpi ve hna usih.Rev. Dr. Lal Pek Lian

Be the first to comment

Leave a Reply

Your email address will not be published.


*