June 1 2021-2022 cacawn kum SAC phu nih sianginn an hon mi ah Hakha No. 1, No. 2, No. 3 le No. 4 sianginn hna ah sianginn kai mi siangakchia an um lo, tiah kan theih.

Nihin June 1, SAC phu nih hon mi Hakha sianginn No. 1, No. 2, No. 3 le No. 4 ah sianginn kai mi an um lo.The Hakha Times, June 1 2021-2022 cacawn kum SAC phu nih sianginn an hon mi ah Hakha No. 1, No. 2, No. 3 le No. 4 sianginn hna ah sianginn kai mi siangakchia an um lo, tiah kan theih.

“No. 2 sianginn ah siangakchia um loin Palek 2 an um. No. 1 sianginn ah minung pakhat a um i siangakchia maw a si asiloah tuanvo ngeitu dik a si kan hngal lo. A fawinak cun sianginn kai mi kan hmu hna lo,” tiah khuami nih The Hakha Times ah an chim.

Hakha lawng si loin Thantlang le khua dangdang ah siseh, Kawl lei zong ah siseh, siangakchia an kailonak sianginn tampi an um tiah kan theih. The Hakha Times

Rangon Ah Ralhrang Thawng Petu Meithal In An Kah.Rangon ramthen Hlaingthaya peng No. 11 veng ah a ummi U Sai Lin Zaw (or) Lin Lin cu June 1, tuni zinglei 8 hrawngah meithal in an kah i a thi tiah theih a si.

U Lin Lin hi ralhrang cozah tang i Social Welfare, Relief and Resettlement vuanci  Daw Thet Thet Khine dirhmi People Pioneer Party (PPP) chungtel a si. Ralhrang nih thawngpang petu ah an hmanmi a si. Kum 2020 thimnak lioah ramthen hlutdaw palai aa cuh vemi a si.

Khine Shwee Wa lam le Anawratha lam kil ah an kahmi a si. A rannak in siizung ah an tlikpi nain lampi ah a nunnak a liam. May 5 lio zongah khan a inn ah bomb a puak bal cang.

Atulio dirhmun le boruak ah cun miphun, mipi leirawitu, ralhrang caah thawngpang petu a si tiah fiang tein theihmi cu fimhlawm colh lengmang ding an si ko. Anmah ruangah tlaihkhih, thongthlak le thah tiang a tuarmi an tam tuk cang.

Cucaah cun leirawitu a simi cu miphun khat ee, khua khat ee, chungkhat ee ti um loin…! (Than Lwin Khet) The Chin Post

Be the first to comment

Leave a Reply

Your email address will not be published.


*