Joe Bidden nih US Ralkap lak viar dingin biakhiahnak a tuah hnu in Taliban pawl nih Afghanistan ram tthen tam ngai an von lak manh.

Syria law hmang in Afghanistan a rak uktu Tiliban cu 2001 ah US nih an tthawl hna i, Afghanistan ram cu, Democracy ram ah an serpiak hna. US Ralkap le NATO Ralkap nih Kum 20 chung an cam hnawh hna.

Afghanistan ram ah a um rihmi US Ralkap 2500 le NATO Ralkap 7000 hrawng cu 9/11 kum 20 a tlinnak nican ahcun Afghanistan ram chuahtak viar dingin Joe Biden nih biakhiahnak a tuah cang.

Joe Bidden nih US Ralkap lak viar dingin biakhiahnak a tuah hnu in Taliban pawl nih Afghanistan ram tthen tam ngai an von lak manh. Political lei a tuakmi biachimtu tampi nihcun, US Ralkap an chuah dih ahcun, Afghanistan hi Taliban kut ah a phan tthan sual hnga maw tiah an thinphannak an langhter cio.

Tiliban ralhrang nih Phaisa tambik an hmuhnak cu Bing an sernak in a si tiah an tuak. Trump chan ahkhan Bing an sernak 400 hrawng a hrawh piak hna. Cun, Ramleng mimal sin hrim in Phaisa tampi an hmuh tiah BBC nih a langhter bal.

Tiliban nihhin Afghanistan ram hi 1996 in 2001 tiang an rak uk. SYRIA LAW an hman caah nu pawl sianginn kai a ngah lo. Chan thar dress bantuk ihruk zong an sianh hna lo. Mah tluk uknak a chiami Taliban cu, Afghanistan ram ah an thawng ngai rihmi ka ruah ah khuaruahhar cu an si ve. Dirpitu, Mipi tampi an ngei caah an thawng timi cu a fiang. US le NATO Ralkap an chuah hnu in zei dirhmun dah an phan te hnga. Credit-Zasang Cinzah

Be the first to comment

Leave a Reply

Your email address will not be published.


*