Joe Bidden nih hmasabik a von tonmi cu Kawlram Ralkap uknak an lak hi a si.

US President kip nih an term chung ah foreign policy he pehtlaih in challenging an ton cio.

Obama nih a tonmi challenging cu ISIS an si. A phisin kho lo i, a von changtu Trump nih a phisin. Trump nih a tonmi challenging cu Covid-pandemic a si. Election sunghnak ah a hman i, Joe Bidden chan ah a thiang lai tiah ruah a si.

Joe Bidden nih hmasabik a von tonmi cu Kawlram Ralkap uknak an lak hi a si.  Mahhi Joe Bidden caah challenging a si ko hnga maw?  Zeitindah Kawlram kong hi phisin te hnga? Vawlei cungah statement a chuah hmasabik a si i, a ttialmi ah “tuanvo ngeitu cungah “action” kan lak lai” a ti bak ve ko i, zeibantuk phun indah “action” cu a lak te hnga? 

Hi thil hi a zungzal in Kawlram aa thleng thainak ah cang hram seh tiah kut ka sih ko. Lion  ruak in khhuatizu/honey a chuahtertu Pathian nih a ttha lei in kan ser piak hram seh.Credit-Zasang Cinzah

Adang relchap:Chin Ramkulh Minister pali an kan thlah: Minister Pu Sui Thio :Chin Ramkulh Cozah Cabinet hna cu February 1 ah Ralkap nih uknak nawl an laak lecangka in Hakha Ralkap nih an tlaih hna i pali an thlah hna tiah kan theih.

Hi kong ah Minister Pu Sui Thio nih “Zanlei 3:00 ah khan an kan thlah. Keimah, Minister Pu Vui Kaw, Minister Pu Mang Hen Dal le Minister Pu Pau Lun Min Thang an kan thlah,” tiah zaan 8:15 ah The Hakha Times ah a chim.

A taang rih mi kong he pehtlai in Pu Sui Thio nih “Chief Minister Pu Lian Luai, Hluttaw Speaker Pu Zo Bawi, Minister Pu Phwe Ar le Minister Pu Soe Htet tu cu an taang rih,” tiah a chim.

An auh hnanak le an thlah than hnanak kong he pehtlai in Minister Pu Sui Thio nih “An rak chim mi nan theih cio bang khan 2020 thimnak ah mee ningcang lo a um ti pawl kha a si ko. Cun an kan thlah ah hin ‘Dai tein va um u’ an kan ti i an kan thlah ko,” tiah Pu Sui Thio nih a chim.

Chief Minister tel in a taang rih mi hna cu zeitik ah an thlah te hna lai ti cu theih a si rih lo tiah thawng kan theih.Credit-The Hakha Times

Be the first to comment

Leave a Reply

Your email address will not be published.


*