Jesuh Nih Ka pa Tiah A Timi Kongah

Lei taksa in a nun lio ah Jesuh nih ‘Ka Pa’ tiah a ti leng mang mi kha minung a sinâk nih Pathian a sinâk a kawhnâk a si i a dang tein Pa a um tinâk a si hlei lo tiah an ti tawnmi hi kan cohlân piak khawh ko hna hnga.

Zeicatiah Jesuh kha za ah za Pathian a si lio ah za ah za minung sinâk a ngeimi a si bangin minung nih cun ‘ka pa’ tiah kan ti leng mang ko.

Asinain Jesuh kha thihnâk tei in thawhter a si hnu ah khan a minung sinâk cu za ah za a um ti lo i khârmi inkâ zong kha on loin a lut kho i a chuak kho cang, (Jn. Jn 20:19). Zeicatiah za ah za Pathian a sinâk lawng kha Jesuh ah a tâng cang i a minung sinâk cu za ah za a um ti lo.

A si kun ah ziah a thawhțhân hnu ah Jesuh nih voi hnih khêng te ‘Ka Pa’ tiah a ti țhân kun? Lk. 24:49. Jn. 20:17. Hi hi van i a kai hlân ah Tho țhân Jesuh nih a chimmi a si.i

Cun van ah a kai hnu chan hnih fai a liam hnu ( AD 95 hrawng) ah Lamkaltu 12 chungin a tângmi um chun Johan sin ah Van i a ummi Jesuh nih voi thum khêng te (van ah a ummi Jesuh nih) ‘Ka Pa’ tiah a timi (Biaphuan 2:27. :5. 3:21) hna hi MERH lo ah cun hrilhfiahnâk lam dang a um ti lo.

Cucaah:-Oneness Judah mi hna nih Baibal dihlak tinhmi Jesuh kong țialnâk Baibal an nganh i,Oneness Jehovah’s Witnesses tiah ai timi hna nih Baibal dihlak tinhmi Jesuh kong țialnâk Baibal an thlen i

Oneness UPC hna nih Baibal dih lak tinhmi Jesuh kong țialnâk Baibal an MERH tiah fb ah ka țial tawnnâk cu a si.

Pumpâk in Oneness Judah mi si hna seh, Oneness Jehovah’s Witness si hna siseh, Oneness UPC si hna seh ka hua hna lo ti hi lungthin a hngaltu Pathian nih a ka hngalh ko.

Anmah minung si loin an cawnpiaknâk nih Baibal an nganhnâk le Baibal an thlennâk le Baibal an merhnâk kong kha ka chim i ka țial tawnnâk cu a si.Zeicatiah Cawnpiaknâk hmânlo chungin zûmtu hna kilvên hi Pathian nih a ka khinhmi rian a si.

Cucaah:-Judah mi hna nih . .An Nganh. .Jehovah’s Witness hna nih ..An Thlen. .UPC hna nih. .An Merh timi hi zei ti lei hmanh in al khawh le thlen khawh a si lomi thil sining a si. Credit-Evan Rual Uk

Be the first to comment

Leave a Reply

Your email address will not be published.


*