Jeriko ah cun a lut i khualak in a lan thluahmah. Cuka ah cun mi pakhat Zakia timi a rak um.

Jeriko ah cun a lut i khualak in a lan thluahmah. Cuka ah cun mi pakhat Zakia timi a rak um. Ngunkhuai khawltu zik a si i mirum a si. Jesuh cu ahodah a si hnga tiah hmuh aa zuam, zapi lak cun a hmu kho lo, zeitintiah mi niamte a si. Cucaah a kalnak ding leiah cun a tli i theipikung in amah zoh awkah cun a kai.

Cuka a va phanh cun Jesuh nih cunglei a hun zoh i, “Zakia, rung òum zokzok, nihin ah na inn ah kan tlung lai,” a ti. Khulrang ngaiin a rung òum i thanuam ngaiin a inn ah cun a tlunter. Cucu an hmuh tikah an dihlak in an zai. ‘Misual inn tlun awkin a lut,” an ti. Zakia cu a dir i Bawipa sinah cun, “Zohhmanh, Bawipa, ka ngeihmi a cheu hi misifak ka pek hna lai i ka hlenmi hna an um ahcun a let li in ka cham hna lai,” a ti. Jesuh nih cun, “Nihin ah hin na inn chungah khamhnak a phan cang, hi pa zong hi Abraham fa a si ve ko. Zeitintiah Mi Fapa cu a tlaumi kawl awk le khamh awkah a ra,” a ti.

Hi hmun hi Bawipa Jesuh le Zakia (Zacchaeus) an i tonnak hmun asi. Zakia nih akaimi thingkung ( Sycamore) cu nihinni tiang a nung rih ko. Zakio inn tang ahhin atlan(Tomb) zonghi zoh khawh asi. Khuaruahhar asinak pakhat ah ka ruahmi cu Mah tluk ngan thingkung kha Jeriko khua ah ka hmu lo, cun tuni tiang hi thingkung a nun rihmi khi aruang aum hrim lai timi hi asi. Vawlei ramkip in nifatin cat loin an zoh tonmi zong asi.

Tarpa Bia ka halmi: Jeriko hi nan ram le arocar zeihmanh le aumlo, zeitindah nan paw nan i cawm tiah ka hal. Aka lehmi cu hitin asi. Phaisa tampi na rak i porh kolo maw a ka ti. Mah kha kanmah caah Bawipa jesuh nih an tuan termi hna cu asi aka tiko. Hmasa cu ka lungfiang lo nain, ka ruah thanmi cu aw, sitak hitaa, vawlei ramkip in kan ra hi citkhatte kan zoh ah pei phaisa azaza in kan dih ko hi timi kha ka lungah ahung piang than. Anungmi ka Pathian nih a kan cawm ko timi kha hipa nih a chim duhmi cu asi. Nian Khrihfa na si maw? Tiah ka hal tik ahcun ka si lo ati fawn ko. Kan Bible atheih ning cu kanmah nak in alet in atheih fawn hihi zeitindah nan hmuh cio?
Credit-Moses T. Lian

Be the first to comment

Leave a Reply

Your email address will not be published.


*