January 6 ah hin US congress nih Joe Biden cu President sinak formally validates tuah timh ni a si.

January 6 ah hin US congress nih Joe Biden cu President sinak formally validates tuah timh ni a si. An tuah khawh lai tiah zumh a si nain Trump suppoter hna nih cun ruah loning le khuaruahar in thil a thleng lai tiah an zumh. Electoral college nih Joe Biden cu President Elect caah certify an tuahmi cu an hnon khawh hrimhrim lai tiah an zumh.

Republican congressman minung 140 cun Joe Biden nih electoral college a hmuhmi vote hi phungning lo a si caah kan kham lai tiah an chim cang. Pennsylvania state nih thimnak phung an tuahmi hrimhrim hi anmah state nih an zulh duh lo caah phungning loin tuahmi election a si caah kan hnon hrimhrim lai tiah Pennsylvania sate in thimthar mi Republican congressman pathum Marjorie Taylor Greene, Madison Cawthorn, Lauren Boebert, le Diana Harshbarger -nih an chim.

Missouri senator Josh Hawley, kum 40 nih Electoral college vote cu a dohkalh caah congress ah debate an tuah khawh men. Debate an tuah i vote an thlak ahcun President Trump nih teinak a co khawh men tiah ruah a si. 

Trump Supporter pawl nih election ah vote firnak tampi a um. Mial-in ballot thlakmi hrimhrim hi a dik lomi a si. Aho nih vote thlak timi zong kherhhlai khawhmi a si lo. Facebook, Twitter le Google nih a herh lo tiang in election ah an ti thlak, ttanhlei ngeih tuk in thil an tuah caah mipi nih thil dik an hngal kho lo tiah Senator Hawley nih a chim.

January 6 ah hin Joe Biden cu US President ah an fehter kho taktak lai maw? Asiloah President Donald Trump nih a donghnak bik election result hnon an duhmi a hnon kho lai maw timi hi cu mi thinung a hnin ngaimi a si.Credit-Salai Lairamthang

Be the first to comment

Leave a Reply

Your email address will not be published.


*