Israel tuanbia ah Prime Minister kum caan saupi a tuanmi Natanyahu cu prime Minister sinak thutdan a chuah tak kho men

Israel tuanbia ah Prime Minister kum caan saupi a tuanmi Natanyahu cu prime Minister sinak thutdan a chuah tak kho men

1.  Kehlei le A laifang party pahnih fonh in Acozah ser an i tim. An tlam a tlin ahcun Natanyahu nih a thutdan a chuah tak a hau.

2. Nikum le tukum ah voihnih an tuah cang rua ka ti. Ka palh lo ahcun. Natanyahu nih hawikom a sawm len hna nain a sawm khawh hna lo caah thimnak an tuah lengmang hi a si.

3. Vawlei cung democracy ram ah phunghram a ngei lomi hi England, Israel, le New Zealand hi an si an kan chimh ton i ca zong ah kan rel. Democracy ram as i lomi tu ahcun an tam pah.

Chinmi cu Khrihfabu kan si caah pakhat khat kong kan chim tikah Israel miphun hna le an tuanbia he kan chim kemh zungzal lengmang theu nain cacawnnak ahcun cawn kemh an si lem lo. An kong zong aa tel bal lem lo – anmah issue kong dah ti lo ahcun…By Thawng Za Pumpz

NGAKCHIA SUNDAY SCHOOL CAWN DING CAUK KONG .Pathian le a Bia a tlaihchantu FB hawi dawt hna, sa le ral le pulh rai karlak i kan um lio zong ah ka herh bik mi cu Pathian le a Bia a si peng bangin tutan ah hin Ngakchia Sunday School cawn ding cauk kong hi theihter le thanh kan duh hna.

Hi cauk hi ‘Partners in Discipleship International’ timi hna nih an chuahmi a si i lai holh tein lehnâk nawl anka pek bangin Falam holh i an leh cia mi kha lai holh in ka rak leh.

Hi cauk hi phun li a si. Phun khat nâk cu:- Biakam hlun tuanbia chungin kum khat chung cawn dingin an chuah mi a si. Phun hnihnâk cu:-Biakam thar tuanbia chungin kum khat chung cawn ding an chuah mi a si.

Phun thum nâk cu:- Biakam Hlun tuanbia ngakchia nih an cawn tikah cawnpiaktu kut tlaih ding a si. Phun li nâk zong:- Biakam thar tuanbia an cawn tik ah cawnpiaktu kut tlaih ding a si.

Cun hi Ngakchia Sunday School cawn ding cauk hi a țhat khun nâk cu kehlei kam catlap ah a ummi a bia kha orh lei kam catlap ah a hmanthlak a um dihmi hi a si.

Kha hmanthlak hna kha Cartoon bantuk in an suai i a cawngmi ngakchia hna nih zawngsung ball pen in a zawng a phunphun an rak thuh khawh.

Cucaah a phaw ah ‘Color Cauk’ tiah țial a si.
Khrihfabu bu khat caah chuahmi a si lo i ngakchia nih Pathian bia țha tein an theih i an i țhanpi kha an timhmi a si caah Khrihbu a phun phun le inn chingkhar kip zong nih hman khawh a si. A herhmi le a duhmi caah Ram chung ram leng tiangin kan in kuat khawh hna.

A man. .cawnmi uk khat 2000Cawnpiaktu kut tlaih.4000 Pehtlaihnâk Evan. Rualuk le a chungkhar Tel. 09450686495 le 09400303426

Be the first to comment

Leave a Reply

Your email address will not be published.


*