Israel pawl khawika ram an um zong ah an Israelram le miphun caah an ttuan.

Israel pawl khawika ram an um zong ah an Israelram le miphun caah an ttuan. Bible cahlun i an pu Moses lungput kha an ni ngeih peng. An miphun an mah le an mah an ni ttanh peng i, an ram ca an philh bal lo.

Jonathan Pollard a miphun Israel pawl himnak le tthatnak ca tiah a ttuan ruang ah kum (35) thawng a thla. Nihin PM Benjamin Netanyahu bak nih Airport ah a va dawn. The Jerusalem Post ah tling te in a kong an ttial. Rel can nan ngeih ah cun rak rel ve cio uh law.Credit-Daniel Sakhong

Relchap-Pathian he kan i pehtlaihnak ah a hrambik cu lungthiannak (humbleness) le nun i hun (openness) hi an si.

Kan ton mi, kan tuah mi, kan in mi kan sining dik kha lungthiang tein Pathian kan chimh tik ah ri a ngei mi kan si kha kan phuan a si i Pathian bawmhnak kan herh zia tehte kan khan.

Bawmhnak caah kan nun kan hun tik ah Pathian aw kan hngalh. Pathian umpinak kan tep. Ruahchannak a dong lo.Nun man kan hun ngei.Cu caah;Na tha a dih/a baat tik ah Pathian sin ah na sining dik te kha chim law, na nun kha a sin ah hung ko.

Na nun a rih tik ah na sining dik te kha Pathian sin ah chim law, na nun kha hung.
Ruahchannak a dong tiah na ruah tik ah na sining dik tein Pathian kha chawnh. Na nun hung law Amah nih in hruai ko seh.

“A kut in an lak, an pom lai. Hnangamnak kan hmuh lai ta.”Note: Timothy C. Geoffrion cauk “Saying Yes to God” chung in thazaang laknak. Credit-Abednego Cenhrang

Be the first to comment

Leave a Reply

Your email address will not be published.


*