Iran nih Trump a vun terhve zahan nai an ral bawipa an thahmi kha a phu kan hlam lai an vun ti.

Thawngpang Thar Deuh Pawl :Ted Cruz le a tuanti hawi Senate 12 nih  Joe Biden aithuimi state 7 Electoral College vote cu kan cohlan kho lo, Joe Biden a tlinkhawh lonak kan kham lai an timi cu Mike pence nih rian kan tuanti hna lai a ti ve cang. Democratic pawl cu an thin a hungtuk cang I Mike pence cu an hro len cang.Ted Cruz le a hawile nih ai thuimi state pa 7 cu ni 10 chungah Audit tuahdih an duh.

Lin Wood nih Mike pence a hro ve. Lin Wood hi Trump caah rian tuantu a si. Nai I tazacuainak ah Khan Mike pence nih Trump caah tazacuainak cungah an tuahmi cu Mike pence nih minthut a duh lo caah fak taktak in Mike pence cu a hro hi a si. Lin Wood hi Georgia le state dang pawl nan eihmuarnak taluk phaisa khrih u, keimah nih kan pehthan hna lai a dikmi lam tu zuluk a rak titu kha a si.

Tuluk phaisa ka zalchungah ka sanh bak lo nan ti a si ah cun Bible ca katlai lai tiah a titu pa kha a si. Trump caah Ted Cruz le Lin Wood hi tih bikmi an si.Georgia state ah thil diklo mi vote cu a fiang tuk cang caah , Georgia Governor cu a rian in ai ngolawk a si tiah a au hnawh ve cang. Georgia state I Secretary a tuan liomi  Brad Raffensperger cu Trump nih , lih in vote an tuahmi le cabuaitang vote an lakmi pawl kong a hal tikah lih cu chimawk a ngei tilo caah , mipi nih hitluk in lih a si lai hi an rak ruat lo nain a tu cu an khuaruah a har taktak cang. Georgia Governor nih keimah nih cun minthut hi zoh ka duh ko a ti ve cang.

Nancy Pelosi inn hnulei ah vok lu an khiahpiak vokthi he ai lomi in ca an tialchih, cucu media ngan nih an chim duh lo. Cun Mitch McConnell inn kutka ah khawika dah kan tangka na chiah tiah an tial rih. Cahang nak in, a bik in hihna pahnih an tuah hnawhmi cu thapeknak Covid_19 ruangah $2000 bawmhnak ruangah khan a si.

Ted Cruz nih Joe Biden atlinlonak dingah cun phunghrampi ning in kan zulh lai a ti. Ted Cruz hi Mifim le tihzahmi pasaltha a si.Pennsylvania cu tazacuainak tuah liopi a si. Aithuimi state 6 cu Scientist mithim pawl Dominion vote relnak seh Athiammi nih a zoh liopi a si.

Joe Biden te chungkhar cu mifir le lainawng an si tiah Foxnews nih a chim cang. Mi sual taktak chungkhar an si a ti rih.Trump a dirkamh tu nikhat hnu nikhat an karh chin lengmang. A thuhnak tili lei ah an kal cang. January 6 in tichungah an tan taktak cang lai.

Iran nih Trump a vun terhve zahan nai an ral bawipa an thahmi kha a phu kan hlam lai an vun ti. Nizan ah Khan USA raltuknak tilawng tha taktak le vanlawng hna cu Iran panh in an kal cang.

Trump hi huatu dohtu an tam,  Aman party lila nih an doh, sihmansehlaw Pathian nih mipi thinlung chungah rian a tuan I dirpi tu tam chinchin a ngei, Pathian nih thil theikhawhnak a pek. Arawk cuahmahmi USA le vulei pi sualnak lam a kalmi Pathian hmai a kan hmuhter thantu a si. Merry Christmas cu a hmun zungzal cang lai. Israel khualipi zong a hmun zungzal cang lai.

Joe Biden cu Lucifer biaknak a biami le khuachia khuavang auhthiammi le campthiammi hna nih thla an campiak I teinak a hmuhnak caah tiah. Khuachia khuavang hna le zumlotu hna nih Joe Biden caah thla an cam.Cu lioah Pathian zumtu hna le Jesuh khri a cohlangmi nih Trump caah thla an campiak ve.

Nang le kei khawika dah kan dir ve. Kan dirpimi hi kan chunglei, cunglei thlarau fialmi a si ve. Cucu Elawk thalo thlarau riantuannak cu a si. Biatak a pemh rih lomi le a hrinthan lomi an kan to zongah an mawh lo, kan nunzia le kan dirpimi hrimhrim nih dakaw bia a chim cang cu. Kan nunzia nih midang thinlung chungah bia a chim cu.

January ni 6 in cun zeidah a cang te lai , mipi tampi cu Trump nih bia a cah cang hna. January ni 6 ah DC ah kan i tawng hna lai , Fiar Ngol u kan ti lai a ti cang kha.Credit-Joseph Thawng z Ting

Be the first to comment

Leave a Reply

Your email address will not be published.


*