Indianapolis khua i a ummi Mimi Restaurant ngeitu Pu Thawng Mang le a chungkhar sinin $5,000 siseh, IU Bloomington i Sushui dawr ngeitu Pu Thang Khar le a chungkhar sinin $4,000 siseh

Nihin (03/19/2021) ah Indianapolis khua i a ummi Mimi Restaurant ngeitu Pu Thawng Mang le a chungkhar sinin $5,000 siseh, IU Bloomington i Sushui dawr ngeitu Pu Thang Khar le a chungkhar sinin $4,000 siseh Emergency National Security Funds (ENSF) caah an rak pek rih. An cung ah kan ni lawm hringhran.

Indianapolis khua ah kan miphun chung in Restaurant le Business ngan ngan a ngei mi tampi an um i, anmah belte cu kan leng kho rih hna lo. An sin zong in kan miphun a himnak ca i Emergency thil a si caah tam pi bochannak kan ngei hna.

Vawlei cung kaakip a um mi kan miphun hawi vialte nih kan ram ca i, nan siaherhnak a kaa kip ah nan rak langhternak thawngpang kan rak theih i kan ni lawm. Burma ram ah a um mi miphun lak ah, Kawl le Miphun dang pawl nih santlai lo bik Chin miphun tiah an rak kan ti tawn mi kha tutan ah hin zeitluk in dah Chin miphun kan lung aa rual i, kan miphun kan dawt ti mi langh ter chin chin hna uh sih.Credit-Daniel Sakhong

Thantlang ah Naypyitaw in Cozah zung riantuan ding minung 10 an thlah hna. Ralkap nih Myanmar ram ah uknak a laak hnu Cozah zung riantuan ralkap kuttang ah riantuan kan duh lo tiin CDM an tuah i, cu hna aiawh tu ding ah tiin 2021 March 18 ah Thantlang Cozah zung pathum ca ah Naypyitaw in minung 10 an phan tiah theih a si.

Naypyitaw in a phan mi minung 10 hna hi Myanmar Economic Bank ah minung 3, Khuate thanchonak zung (Kyi-let) ah minung 3, Penguk zung ah minung 4 ah an si tiah kan theih.

Ralkap nih uknak a laak hnu nihin tiang Thantlang Peng chung Cozah riantuan minung 1060 leeng an si i hi chung ah minung 957 nih CDM an tuah tiah kan theih.
The Hakha Post

Be the first to comment

Leave a Reply

Your email address will not be published.


*