India Ah Covid-19 Vaccine Lem An Pek Hna Ruangah Minung 4 Tlaih An Si

India ram Mumbai ah minung 390 sin ah Covid-19 Vaccine lem an pek hna nak kong hlathlainak an tuahnak ah minung 4 tlaih an si cang, an cawlcangh ning hlathlainak tuah lio a si.

June 16 ah khan Mumbai, hiranandani ah a um minung 390 hna cu Covid-19 vaccine pek an si i, Vaccine a la mi hna hi vaccine an lak hnuah zeitin hmanh an um lo caah mi tampi sin in biahalnak a chuak.

Mah hnu tlawmpal ah vaccine a pe tu hna nih fuel production house cu a hmasa bantukin an hlen than hna i minung 190 hrawng cu vaccine lem an chunh than hna.

Hi kong hi media lian pawl nih an phuan hnuah palik nih hlathlainak an ngeih hnuah minung 500 leng vaccine lem a pe mi minung 4 an tlaih hna.

Mah hna nih sii-inn cheukhat aiawh in a ra mi kan si tiin mipi cu vaccine lak an duh le duh lo an hal hna hnuah vaccine lem hi an pek hna tiah theih a si.

Asi nain sii-in lian pawl he i pehtlaihnak an ngeih lo caah Vaccine an pek lio hmanthlak zong sianh lo in rianrang taktak in thil hi an kalpi mi asi.

Vaccine a la mi hna cu sii chunh dingah GST a herh tiin mi pakhat ah chunh man 1200 an lak hna.

Mi hlengtu hna hi sii-inn cheukhat data an ngeih caah mi 500 tiang vaccine lem an pek khawh mi a si tiah theih a si. Ref; India today The Chin Post

Be the first to comment

Leave a Reply

Your email address will not be published.


*