Hruh hnu molhnak :Atulio Joe Biden ṭanh ruang le Donald Trump ṭanh ruang i Media pawl umtu ning le cawlcangh cu ka lung bak an dong.

Hruh hnu molhnak :Atulio Joe Biden ṭanh ruang le Donald Trump ṭanh ruang i Media pawl umtu ning le cawlcangh cu ka lung bak an dong. Keimah bantuk zapi zaaran cu hruh hnuah molhnak in a um. Hruh hnu i molh rih cu kan thih lo fangfang. Aho bia dah kan zumh lai i, zei bantuk bia dah kan zumh lai lo timi karlak ah kan lo lengmang. Evangelist he an i lo pah.

Pakhat a phan, cuticun an kan ti. Pakhat a phan ṭhan, khatikhan an kan ti ṭhan. Kan zumh lai kan ti ah aa zum thiam lo bantuk, zumh lo lawlaw ah hon ti ah le aa um thiam fawn lo. Kan zumh lai maw zumh lo hei ti hrawnghrang ah zapi kan lo lengmang tawn bantuk a si.

Kei cu tuanpi khan Trump nih a donghnak ah a tei ṭhan lai ka rak ti cang. Ka bia ka leet lai lo. A tei lo a si le ka palh ee ka ti lai ka rak ti cang ko. Trump ka uar bia a si lem lo. Biden ka rem lo bia a si hlei fawn lo. Minung pakhat ṭanh ruang i mi vialte nawnnok dih le lih le lih in mi hlen kha a rem ka rem lo.Credit-Perhkalh Thawng

Be the first to comment

Leave a Reply

Your email address will not be published.


*