Hringtu Kapa Upat Peknak

Kapa aw, Minung sinak cun Chungkhar nuam le vawlei khuasak nak ah lungre thei loin thudir kho mi nasi ve ko nain Bawipa ram caah tiin harnak tuar bu le mithli tla in nanun lam nai mer ,Kumcaan sau pi Pathian bia nacawn hnu ah Bawipa lo ram caah le semnak lungrawn  khua le ram miphun hna nih ,thinlung taksa thlarau damnak tling an hmuh ve nak hnga harsatnak ruat lo in le nunnak pek in Bawip lo ram caah  tuan hram na rak thok .

Bawipa lo ram kauh nak ding caah tin Bualram Thlangthluan le TABC ram tiang ah nilin khua al tuar bu le fur ruah sur zong kian loin lam chukcho le hling le so lak ah,Run inn remh lo le kawmtang te khuasak bu in, Zan ih merem thiam lo le semawng fa  le  nathai sung zawn hmenh ruat menh lo in Bawipa nih an pek mi, nunnak le thazang finthiamnak hna cu hmang in TABC ramcaah tiin( E & M )rian ah na lung nai bunh chih kha, Khrihfabu le Midang caah thluachuah na hal piak zungzal tawn hna..

Kapa aw  Semnak lungrawn le khuamual , Bualram le TABC ram chung khrihfa zum tu hna ca ah Bawipa nih arian an kinh mi pin lei ah Bawipa dawtnak thluachuah na co mi he na ruah tik ah lungtling kholo le diriam kho loin,Sifah harsat ruang ii sui ngun chawva kawl ding ah Khuachin tluang dang le miphun dang Kachin ram Pakhanh khua tiang ah khal tu ngei lo Tuu tlau bang le a thu ril mi ,lam pial mi hna na miphun hawi zawn ruah ah mission rian an thok than kha mu, Azaw mi na thlop hna, Lam pial mi na kirpi hna, A thluril na thawh hna,Zumtu tampi Biatak in na cawm hna kha .

Kapa aw,A rian thiang chungah lam an hruai tu na bawipa nih nun dam nak an chap ii nihin ni tiang minung chan rel ning in penson hnu tiang a rian thiang chung ah,Ningzah harsat nak tuar bu in ngchiat nak tampi lakah,Ningzah Mualpho thangchiat nak um hngin lo tein Thihtiang zumhtlak Pasal tha Bawipa loram chung ah nan ii tel khawh peng mi hi ka pa aw na fa le kan caah Suingun chwava inn lo na kan chiah lo zong ah, kan zulh hnga ding mi na keneh Rosung bik nakan chiah piak mi asi.

##..Vawlei kan nun chung ,Fale caah zoh chun tlak pasal ,thluachuah van ni akan hal piak zungzal ,zing le zan fa le hrinhniang hna caah tiin Cung pathian sin ah Thla za akan cam piak zungzal tu,Hringtu ka Pa nangmah fa le kan rak si hi Vawlei ah thluachuah mi fa kan rak si ee.Fa nu fa pa caah na saduhthah asi zungzal mi Unau Ttafar dawt hi thluachuah bik asi tiah Salm133 na kan cawnpiaktawn mi le na Thlacam nak cu na tefa le fapar chan Thongkhat , techinfapar chan tiang kan cungcio ah hmun camcin koseh.By-Johnf Thawng

Be the first to comment

Leave a Reply

Your email address will not be published.


*