Hriamnam ngan hmang in Council zung mithat phu nih Mindat an kah ca ah pakhat thi pali hliam tuar

Council mithat phu le CDF-Mindat karlak kahdoh ngolnak biakam an rak sermi a rawk hnu Mindat khuapi chung ah 2021 May 12 ah kahdohnak a chuak than i Kyouh-Htoe khuapi in Council mithat phu hna nih hriamnam ngan he an kah hna ca ah CDF-Mindat lei minung pakhat a nunnak liam i minung pali hliam an tuar tiah kan theih.

“An nih lei nih Kyoh-Htoe khua in hriamnam ngan hmang in an kan kah. An kan kah thulh, an rak ra thulh tiin an um. Kanmah mizapi lei zong nih kan si khawh tawk in kan khuapi kan ven ve. Khuapi chung taktak ahhin cun hriamnam ngan cu an kap lo. Kanmah CDF minung kan umnak hmun an kah. Minute pathum dan voi khat in an kan kah. Hriamnam ngan an hman ruang ah kanmah CDF lei minung pakhat a thi, pali fak ngai in hliam an tuar,” tiah a chim.

Mindat khuapi pawng Kyouh-Htoe khuapi ah SAC ralkap bawmtu ding ralkap motor pathum zong a phachap. Cun, Mindat khuapi chung lei zong ah ralkap motor pahnih a kal tiah Khonumtung Media nih a tial.The Hakha post

Be the first to comment

Leave a Reply

Your email address will not be published.


*