Hodah Vancung Pennak Vanram Pa sin a phan lai?

Khrihfa kan zumhnak Bible caa Chung ah, Khrihfa a si mi poah Vanram an kai lai Tiah a ti HRIMHRIM LO!A ti mi tu cu,Matthai 7: 21-23 21‘Bawipa, Bawipa,’ tiah a ka timi paoh in Vancung Pennak chungah an lut dih lai, tinak a si lo, sihmanhsehlaw vancung i a ummi ka Pa nih tuah hna seh ti a duhmi a tuahmi lawnglawng kha an lut lai.

22Cu Ni cu a phak tikah, mi tampi nih keimah cu, ‘Bawipa, Bawipa! Na min in Pathian bia kha kan chim i na min in khuachia kha tampi kan ṭhawl hna i khuaruahharnak tampi kan tuah hna,’ an ti lai. 23Khi tikah annih cu ka thawh hna lai i, ‘Nannih cu aho nan si kha kan hngal bal hna lo. Kal ko u, ṭhat lonak a tuahtu hna,’ tiah ka ti hna lai.

Cun Matthai 7:13 13Kutka bi chungah cun lut tuah u, zeitintiah Hell ah a kalmi lam cu a kau i a fawi i mi tampi nih an zulh. 14Nunnak a phanmi lam cu a har i a kutka cu a bi i a hmumi cu tlawmte lawng an si.

Cucaah a tu kan Chan ahhin, ruahnak zumhnak Cheu in a nung mi kan tam ngai cang hna. Kan Kik Lo kan Lum lo. Kan taksa duhnak Le Pathian duhnak zulhnak a do peng.Kan khrihfa buu, kan miphun kan zoh tikah, Thlarau lei ah a der mi, sual tuah zei poi ah a chia Lo mi, Mah duhning in bible Pom mi zong kan Karh thluamah.

Sihmanhsehlaw, kan khuaruah har hlah u sih. bible nih kutka bii zultu ,  a hmun tu cu tlawm te lawng an si tiah a ti.Pathian bia tlinnak a si! Cun Pathian zong nih hin, amah a fuh mi sin ah hin a phuang tawn. Mah pumpak in Pathian he pehtlaih nak ngei hna u sih. Kan khrihfabuu, kan miphun KHRIHFA kan si ruang Le, kan I pumh ruang ah Vanram kan kai HRIMHRIM lai Lo BIBLE Ning in cun.

Thlarau lei tumchuknak , biakinn siseh, pumpak siseh kan hmuh/ ton tik ah kan khuaruahhar hlah u sih, Bible bia a tling tin ruat u sih. Biakhar nak ah, Pumpak in Pathian he pehtlaihnak ngeih hi pakhatnak a si zungzal.

KHRIHFA si hi Biaknak ah ruah lo in, PATHIAN HE I PEHTLAIHNAK a si tiin Pom hna u sih.harnak tukforhnak kan Ton caan a um HRIMHRIM lai, NAIN THAWHTHAN a hau, PATHIAN BAWMH HAL!!Bawipa nih dongh tiang rel tu vialte thlua chuahnak in pe hna seh.AMEN Credit-Sarah Van Tin Hnem

Be the first to comment

Leave a Reply

Your email address will not be published.


*